ஐகேட்

ஐகேட் (முன்னாளில் ஐகேட் பட்னி, ஐகேட் க்ளோபல் சொலியூசன்ஸ் மற்றும் பட்னி கம்ப்யூட்டர் சிஸ்டம்சு) (முபச: 532517 , நாசுடாக்: PTI, நியாபச: PTI) என்பது தகவல் தொழில்நுட்ப சேவை வழங்கும் நிறுவனமாகும்.^[2] இந்நிறுவனத்தில் சுமார் 18,000 நபர்கள் பணிபுரிகின்றனர். ஐகேட் பட்னி அமெரிக்கா, ஐரோப்பா, ஆசிய - பசிப்பிக் பகுதிகள் உட்பட 23 நாடுகளில் தன்னுடைய பணிமனையை நிறுவியுள்ளது மட்டுமில்லாமல், இந்தியாவில் முக்கியமான எட்டு நகரங்களில் தன்னுடைய கிளைகளை கொண்டுள்ளது. இந்நிறுவனத்திற்கு பார்ட்டியூன் 1000 நிறுவனங்களில் உள்ள சுமார் 360 நிறுவனங்கள் வாடிக்கையாளராக உள்ளனர் என்பது குறிப்பிடத்தக்கது.^[3]

ஐகேட்

வகை	பொது நிறுவனம் முபச: 532517
நிறுவுகை	10 பிப்ரவரி 1945
தலைமையகம்	பெங்களூரு, இந்தியா
முதன்மை நபர்கள்	பனீஷ் மூர்த்தி (தலமையதிகாரி) மற்றும் (முதன்மை செயல் அதிகாரி)
தொழில்துறை	தகவல் தொழில்நுட்ப சேவை
சேவைகள்	தகவல் தொழில்நுட்பம் மற்றும் கணிப்பொறியியல் சேவை
வருமானம்	₹3,164 கோடி (ஐஅ$370 மில்லியன்) (2010)
நிகர வருமானம்	₹586 கோடி (ஐஅ$68 மில்லியன்) (2010)
பணியாளர்	27,000 (2012)
தாய் நிறுவனம்	ஐகேட் கார்ப்பரேசன்[1][2]
இணையத்தளம்	www.igate.com

வரலாறு

நரேந்திர பட்னி என்பவரால் தொடங்கப்பெற்ற பட்னி கம்ப்யூட்டர் சிஸ்டம்சு என்னும் இந்நிறுவனம், இந்தியாவின் முதல் கணினி சார்ந்த சேவை வழங்கும் நிறுவனமாகும். நரேந்திர பட்னியின் தாரக மந்திரம்,

“

The best way to do the business is where the labor is cheaper

”

அதாவது,

“

எங்கு உழைப்பாளர்கள் குறைந்த ஊதியத்திற்கு கிடைப்பார்களோ அங்கு தொழில் செய்வதே சிறந்த தேர்வு

”

என்ற கொள்கையை உடையவர், இந்தியாவின் முதல் கணினி சார்ந்த சேவையைத் துவங்கி, வெற்றிபெற்று அது உண்மையென்றும் உணர வைத்தார்.

ஆரம்பம்

1972-ம் ஆண்டு இந்நிறுவனம் "டேட்டா கன்வர்ஷன் இன்க்"("Data Conversion Inc") என்ற பெயரில் தொடங்கப்பட்டது. நரேந்திர பட்னி தன் மனைவி பூனத்துடன் இணைந்து, தங்களுடைய வீட்டிலிருந்து ஆரம்பித்தனர்.^[4]

ஐகேட்டின் ஆக்கிரமிப்பு

ஐகேட் நிறுவனமானது, பட்னி கம்ப்யூட்டர் சிஸ்டம்ஸ் நிறுவனத்தை 2011-ம் ஆண்டு ஜனவரி 10-ம் நாள் கைப்பற்றியது. அதன்பிறகு சுமார் 25,000 ஊழியர்களுடைய பெரிய நிறுவனமாக ஐகேட் உருவானது.

கிளைகள்

ஆசிய - பசிபிக் பகுதிகள் இந்தியா: மும்பை, நவி மும்பை, புனே, பெங்களூரு, சென்னை, நொய்டா, ஹைதராபாத், காந்தி நகர் ஆஸ்திரேலியா: மெல்பர்ன், வடக்கு சிட்னி ஜப்பான்: டோக்கியோ வட அமெரிக்கா கனடா: டொரன்டோ ஐக்கிய அமெரிக்க நாடுகள்: கேம்பிரிஜ், மாசசூசெட்ஸ், சின்சினாட்டி, செர்சி சிட்டி - நியூ செர்சி, அட்லான்டா, கோஸ்டா மீசா - கலிபோர்னியா, Southfield, Bellevue, Washington, Milpitas, Bloomington, Illinois, Irving, Texas, Bridgewater, New Jersey, Downers Grove, Illinois மெக்சிகோ: Querétaro தென் அமெரிக்கா பிரேசில்: சாவோ பாவுலோ ஐரோப்பா, மத்திய கிழக்கு மற்றும் ஆப்பிரிக்காவில் ஜெர்மனி: பிராங்க்ஃபுர்ட் அயர்லாந்து: டப்லின் சுவீடன்: கிஸ்தா நெதர்லாந்து: ஸ்கிபூல் இங்கிலாந்து: லண்டன் ஐக்கிய அரபு நாடுகள்: துபாய்

பட்னி அறிவுப் பூங்கா, ஐரோலி, மும்பை ஐகேட் அறிவுப் பூங்கா, ஐரோலி, மும்பை சுமார் 50 ஏக்கர்கள் (200,000 m2) நிலப்பரப்பில் அமைந்துள்ள இவ்விடம், நவி மும்பையின் அடையாளமாகத் திகழ்கிறது. இதில் ஒரே சமயத்தில் சுமார் 17,000 நபர்கள் வரை அமர முடியும்.[5] பசுமை ஐடி - பிபிஓ, நொய்டா ஐகேட்டின் பசுமை கட்டிடம் பசுமைப் புரட்சியை வலியுறுத்தும் வகையில்,[6] ரூபாய். 175 கோடிகள் செலவில் 5 ஏக்கர்கள் (20,000 m2) பரப்பளவில் உருவாக்கப்பட்டுள்ள இக்கட்டிடத்தில், அனைத்து வகையிலும் இயற்கை சார்ந்து, ஆற்றல், நீர் உள்ளிட்டவைகளை பாதுகாக்கும் வகையில் சுமார் 3500 நபர்கள் அமரும் வகையில் உருவாக்கப்பட்டுள்ளது.[7]

விருதுகளும் அங்கீகாரமும்

• 2008-ம் ஆண்டு ஐ. ஏ. ஓ. பி. உலகளாவிய சிறந்த 100 நூறு அவுட்சோர்சிங் என்னும் அயலாக்கம் செய்யும் நிறுவனங்களில் ஒன்று.^[8]
• காப்பீட்டு நிறுவனங்களுக்கு வணிகச் செயலாக்க அயலாக்கச் சேவை வழங்கும் சிறந்த 15 நிறுவனங்களில் ஒன்று.^[9]