ஐ. எஸ். இராமச்சந்திரன்

ஐ. எஸ். ஆர் (ISR) என்று தமிழ்த் திரைப்பட உலகில் அறியப்பட்ட ஐ. எஸ். இராமச்சந்திரன் (நவம்பர் 7, 1936), ஒரு தமிழ்த் திரைப்பட மற்றும் நாடக நடிகர். கிட்டத்தட்ட 500 திரைப்படங்களுக்கு மேல் நடித்திருக்கிறார். ஐ.எஸ்.ஆர். தியேட்டர்ஸ் (ISR Theaters) என்ற நாடக நிறுவனத்தை நிறுவி, சொந்தமாக பல நாடகங்களை அரங்கேற்றியுள்ளார். சென்னை தொலைக்காட்சி நாடகங்கள் மற்றும் சில தொலைக்காட்சித் தொடர்களிலும் நடித்துள்ளார்.^[1] கர்நாடக இசை ஞானமுள்ள ஐ.எஸ்.ஆர், ஓரிரு திரைப்படங்களில் பாடியுமிருக்கிறார்; ஆடியோ ஆல்பம் வெளியிட்டுள்ளார். அரசியல் மற்றும் சமூகத்தை நையாண்டி செய்து அவரே எழுதி, அவரே பாடிய எல்.பி இசைத் தட்டு ஒன்றை எச்.எம்.வி நிறுவனம் வெளியிட்டுள்ளது.

வாழ்க்கைச் சுருக்கம்

பூர்வீகம்

இராஜபாளையத்தை அடுத்து உள்ள சொக்கநாதன் புத்தூர் என்ற குக்கிராமத்தில் பிறந்தவர். அவருடைய தந்தையின் பெயர் சர்க்கரை நாடார். அவருடைய இளைய சகோதரரின் பெயர் சோலை என்று அழைக்கப்பட்ட சோலையப்பன். அவரும் நாடகம் மற்றும் திரைப்படங்களில் நடித்துள்ளார்.

குடும்பம்

மனைவியின் பெயர் பொன்னுத்தாய். அவருக்கு இரண்டு மகன்கள், இரண்டு மகள்கள். மூத்த மகன் செல்வகுமார், புதிய தலைமுறை தொலைக்காட்சியில் பணிபுரிகின்றார். ஐ.எஸ்.ஆர் வென்சர்ஸ் (ISR Ventures) என்கிற திரைப்படம் தயாரிப்பு நிறுவனத்தையும் நடத்தி வருகிறார்.

ஐ.எஸ்.ஆர் கே. பாலாஜி அவர்களின் நிறுவன நடிகராக இருந்தார். கே. பாலசந்தர்அவரின் பல திரைப்படங்கில் நடித்துள்ளார்.^[2] ஐ.எஸ்.ஆர் மேல்படிப்புக்காக சென்னை வந்து பாலிடெக்னிக் படித்துவிட்டு, தென்னக இரயில்வேயில் பணியில் அமர்ந்தார். பணியில் இருந்து கொண்டே, ஓய்வு நேரங்களில் நாடகம், திரைப்படங்களில் நடித்து வந்தார். கும்பகோணத்தில் ஒரு திரைப்படத்தில் நடித்துக் கொண்டிருந்த போதே, நெஞ்சு வலி தாக்கி ஒரு தனியார் மருத்துவமனையில் மரணமடைந்தார். அவர் நடித்த அந்த கடைசித் திரைப்படம் மோகமுள்.^[2]

நடித்த திரைப்படங்கள்

ஆண்டு	திரைப்படம்
1964	சர்வர் சுந்தரம்
1965	நீர்க்குமிழி
	நீலவானம்
	சாந்தி
1966	தாயே உனக்காக
	மேஜர் சந்திரகாந்த்
	பாமா விஜயம்
1968	எதிர் நீச்சல்
	சோப்பு சீப்பு கண்ணாடி
1969	பூவா தலையா
	ஐந்து லட்சம்
1970	தலைவன்
	நவக்கிரகம்
	நம்ம வீட்டுத் தெய்வம்
	ராமன் எத்தனை ராமனடி
	கண்ணன் வருவான்
1971	ராஜ நாகம்
	புன்னகை
1972	பிஞ்சு மனம்
	இதோ எந்தன் தெய்வம்
	அவசரக் கல்யாணம்
	நீதி
	ஞான ஒளி
	கண்ணம்மா
1973	சொந்தம்
	தெய்வக் குழந்தைகள்
	நத்தையில் முத்து
	கௌரவம்
1974	ராஜநாகம்
	ஹோட்டல் சொர்க்கம்
	சமர்ப்பணம்
1975	மனிதனும் தெய்வமாகலாம்
	அந்தரங்கம்
	எடுப்பார் கைப்பிள்ளை
	மொகுடா பெல்லாமா (தெலுங்கு)
	பிஞ்சு மனம்
1976	முத்தான முத்தல்லவோ
	ஒரு ஊதாப்பூ கண் சிமிட்டுகிறது
	ஓ மஞ்சு
1977	அவர் எனக்கே சொந்தம்
	நல்லதுக்குக் காலமில்லை
	பாலாபிஷேகம்
	அண்ணன் ஒரு கோயில்
1978	மாங்குடி மைனர்
	கண்ணாமூச்சி
	மேளதாளங்கள்
1979	வேலும் மயிலும் துணை
	ராஜ ராஜேஸ்வரி
	பசி
1980	பொன்னகரம்
	பம்பாய் மெயில் 109
1981	பட்டம் பறக்கட்டும்
	சவால்
	கல் தூண்
	சிவப்பு மல்லி
1982	பகடை பன்னிரண்டு
	லாட்டரி டிக்கெட்
	போக்கிரி ராஜா
	புதுக் கவிதை
1983	தனிக்காட்டு ராஜா
	இமைகள்
	தலை மகன்
1984	நான் மகான் அல்ல
	நல்லவனுக்கு நல்லவன்
1985	ஜப்பானில் கல்யாணராமன்
1986	மருமகள்
	மிஸ்டர் பாரத்
	பதில் சொல்வாள் பத்ரகாளி
	ஒரு இனிய உதயம்
1988	சர்க்கரைப் பந்தல்
1990	ஆரத்தி எடுங்கடி
	என் காதல் கண்மணி
1991	தந்துவிட்டேன் என்னை
1995	மோக முள்