குவாரசமியப் பேரரசு

குவாரசமியப் பேரரசு^{[note 2][8]} என்பது தற்போதைய நடு ஆசியா, ஆப்கானித்தான் மற்றும் ஈரான் ஆகியவற்றின் பெரும் பகுதிகளைத் தன்னகத்தே கொண்டிருந்த ஒரு முன்னாள் நாடு ஆகும். இது துருக்கிய-பாரசீகக்^[9] கலாச்சாரத்தை அடிப்படையாகக் கொண்டிருந்தது. சன்னி இசுலாம் மதத்தை பின்பற்றிய ஒரு முஸ்லிம் பேரரசாக இருந்தது. இது 1077 முதல் 1231ஆம் ஆண்டு வரை நீடித்தது. முதலில் செல்யூக் பேரரசு மற்றும் காரா கிதைக்கு (மேற்கு லியாவோ அரசமரபு)^[10] அடிபணிந்த நாடாக இது இருந்தது.^[11] பிறகு சுதந்திரமாக இந்நாடு செயல்பட்டது. பதின்மூன்றாம் நூற்றாண்டில் மங்கோலியப் படையெடுப்பு வரை இது அவ்வாறாக நீடித்தது. மதிப்பீட்டின் படி, இதன் பரப்பளவு 23,00,000^[12] முதல் 36,00,000^[13] சதுர கிலோமீட்டர் ஆகும். வரலாற்றின் மிகப் பெரிய நிலப் பேரரசுகளில் ஒன்றாக இது திகழ்ந்தது. பதின்மூன்றாம் நூற்றாண்டின் ஆரம்பத்தில் முஸ்லிம் உலகில் இந்தப் பேரரசானது முதன்மையான சக்தி வாய்ந்த நாடாக இருந்தது. இதன் முன்னிருந்த நாட்டை அடிப்படையாக கொண்டு உருவான இந்தப் பேரரசானது பெரும்பாலும் கிப்சாக் துருக்கியர்களைக் கொண்டிருந்த ஒரு பெரிய குதிரைப்படை இராணுவத்தால் தற்காக்கப்பட்டது.^[14]

குவாரசமியப் பேரரசு குவாரசம்சாகியான்
1077–1231
அண். 1205இல் குவாரசமியப் பேரரசின் பரப்பு
நிலை	பேரரசு
தலைநகரம்	குர்கஞ்ச் (1077–1212) சமர்கந்து (1212–1220) காசுனி (1220–1221) தப்ரீசு (1225–1231)
பேசப்படும் மொழிகள்	அரபி[1] (இறையியல்) பாரசீகம்[1] (அவை, பொது) கிப்சாக் துருக்கியம்[2] (அரசமரபு, பொது) ஒகுஸ் துருக்கியம்[3] (பொது)
சமயம்	சன்னி இசுலாம்
அரசாங்கம்	முற்றிலும் முடியாட்சி
குவாரசம்ஷா
• 1077–1096/7	அனுசுதெசின் கரச்சை
• 1220–1231	சலாலத்தீன் மிங்புர்னு
வரலாற்று சகாப்தம்	நடுக்காலம்
• தொடக்கம்	1077
• மங்கோலியர்களின் குவாரசமியப் படையெடுப்பு	1219–1221
• எசிசமன் யுத்தம்	1230
• முடிவு	1231
பரப்பு
1210 மதிப்பீடு[4] அல்லது	2,300,000 km2 (890,000 sq mi)
1218 மதிப்பீடு [5]	3,600,000 km2 (1,400,000 sq mi)
மக்கள் தொகை
• 1220[6][note 1]	50,00,000
நாணயம்	திர்காம்
முந்தையது பின்னையது செல்யூக் பேரரசு கோரி அரசமரபு காரா கிதை காரா கானிடு கானரசு எல்டிகுசிடுகள் அகமதிலீசு பவந்து அரசமரபு மங்கோலியப் பேரரசு

எனினும், 1219ஆம் ஆண்டு மங்கோலியர்கள் தங்களது மன்னர் செங்கிஸ் கானின் தலைமையில் குவாரசமியப் பேரரசு மீது படையெடுத்தனர். ஒட்டு மொத்தப் பேரரசையும் இரண்டே ஆண்டுகளில் வெற்றிகரமாகக் கைப்பற்றினர். நகரங்களை முற்றுகையிட்டுச் சூறையாடினர். மனித வரலாற்றின் குருதி தோய்ந்த போர்களில் ஒன்றில் இந்நாட்டில் வாழ்ந்து வந்த குடிமக்களைக் கொன்றனர்.

குறிப்புகள்

1. Additionally, the population of roughly the same area (Persia and Central Asia) plus some others (Caucasia and northeast Anatolia) is estimated at 5–6 million nearly 400 hundreds later, under the rule of the Safavid dynasty.^[7]
2. Also known as Khwarazm (Persian: خوارزم, romanized: Khwārazm) or the Khwarazmshahs (Persian: خوارزمشاهیان, romanized: Khwārazmshāhiyān)