கெராம்பிட் தொடருந்து நிலையம்

கெராம்பிட் தொடருந்து நிலையம் தொடருந்து நிலையம் (ஆங்கிலம்: Kerambit Railway Station மலாய்: Stesen Keretapi Kerambit) என்பது தீபகற்ப மலேசியாவின் கிழக்கு கரைப் பகுதியில், பகாங், லிப்பிஸ் மாவட்டம், கெராம்பிட் சிறுநகரில் உள்ள ஒரு தொடருந்து நிலையம் ஆகும்.^[1]

கெராம்பிட்
| கேடிஎம் இண்டர்சிட்டி Kerambit Railway Station
கெராம்பிட் தொடருந்து நிலையம்
பொது தகவல்கள்
அமைவிடம்	கெராம்பிட், லிப்பிஸ் மாவட்டம், பகாங்  மலேசியா
ஆள்கூறுகள்	4°07′02″N 102°11′58″E
உரிமம்	மலாயா தொடருந்து
தடங்கள்	தீபகற்ப கிழக்குக் கரை வழித்தடம்
நடைமேடை	1 பக்க நடைப்பாதை; 1 தீவு மேடை
இருப்புப் பாதைகள்	3
கட்டமைப்பு
தரிப்பிடம்	இலவசம்
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
வரலாறு
திறக்கப்பட்டது	1914
மின்சாரமயம்	இல்லை
சேவைகள்
முந்தைய நிலையம்   கேடிஎம் இண்டர்சிட்டி   அடுத்த நிலையம்     லிப்பிஸ் தும்பாட்    Ekspres Timuran  கிழக்கு நகரிடை   ஜெராண்டுட் ஜொகூர் லிப்பிஸ் (முனையம்)    Shuttle Timur  கிழக்கு நகரிடை   மேலா கிம்மாஸ்
அமைவிடம் கெராம்பிட் தொடருந்து நிலையம்

உள்ளூர்வாசிகளின் கூற்றுப்படி, இந்த நகரத்தின் பெயர் மலாய் சொற்றொடரான 'கெரா ஆம்பில்' (Kera Ambil) என்பதிலிருந்து பெறப்பட்டது. கெராம்பிட் நகரத்தில் ஏராளமான வாழைத் தோட்டங்கள் இருந்ததாகவும்; அந்தத் தோட்டங்களின் வாழைப் பழங்களை அப்பகுதியில் உள்ள குரங்குகள் தங்கள் விருப்பப்படி பறித்துச் சென்றதாலும்; அந்த இடத்திற்கு அப்பெயர் வந்ததாக அறியப்படுகிறது.^[1]

இந்த நிலையம் பகாங் மாநிலத்தின் தலைநகரான குவாந்தான் நகரில் இருந்து சுமார் 263 கி.மீ.;கோலாலம்பூரில் இருந்து 189 கி.மீ.; தொலைவில் உள்ளது.^[2]

பொது

கெராம்பிட் நிலையம் கிழக்கு நகரிடை சேவையில், கெராம்பிட் மற்றும் அதன் அருகிலுள்ள சிறு சிறு நகரங்களுக்கும் இடையிலான ஒரு தொடர்பு மையமாக விளங்குகிறது. கெராம்பிட் நகரத்தின் மையத்தில் அமைந்துள்ள இந்த நிலையம், அதன் சுற்றுப்புறக் கிராமங்களுக்கும் சேவை செய்கிறது. கெராம்பிட் நகரின் பெயரால் இந்த நிலையத்திற்குப் பெயரிடப்பட்டுள்ளது.^[1][3]

கோலா லிப்பிஸ் குவா மூசாங் வழித்தடம்

கெராம்பிட் தொடருந்து நிலையம், உள்ளூர் மற்றும் வெளியூர் பயணிகள் கெராம்பிட் நகரத்திற்குப் பயணிக்க ஒரு பொதுப் போக்குவரத்துத் தேர்வாகவும் உள்ளது. 1920 முதல் 1960 வரையிலான காலப்பகுதியில் பல கிராமவாசிகளுக்கு தொடருந்துகள் முதன்மையான போக்குவரத்து முறையாக இருந்ததால், கெராம்பிட்டில் உள்ள தொடருந்து நிலையம் மலேசியாவின் சுதந்திரத்திற்கு முன்பே இருந்தே இயங்கி வருகிறது.

தனியார் பேருந்துச் சேவைகளைக் காட்டிலும் பொதுத் தொடருந்துச் சேவைகளைப் பயன்படுத்தவே இங்குள்ள மக்கள் விரும்புகின்றனர். அத்துடன் இந்த நிலையம் கோலா லிப்பிஸ் - குவா மூசாங் வழித்தடத்திற்கான முனையமாகவும் செயல்படுகிறது.

நிலைய வசதிகள்

• தீவு / பக்க மேடைகள்
• காத்திருப்புப் பகுதி
• பொது கழிப்பறைகள்
• வாகன நிறுத்துமிடம்
• வாடிக்கையாளர் சேவை அலுவலகம்
• பானங்கள் விற்பனை இயந்திரங்கள்

தொடருந்து சேவைகள்

• ராக்யாட் தீமோரான் விரைவு தொடருந்து - 26/27 தும்பாட் - ஜொகூர் பாரு சென்ட்ரல் - (Ekspres Rakyat Timuran 26/27 Tumpat–JB Sentral)
• தீமோர் கிழக்கு நகரிடை போக்குவரத்து - 50/53/58/59 குவா மூசாங் - கோலா லிப்பிஸ் - (Shuttle Timur 50/53/58/59 Gua Musang–Kuala Lipis)^[4]

மேலும் காண்க

• கோலா லிப்பிஸ்
• குவா மூசாங் மாவட்டம்
• லிப்பிஸ் மாவட்டம்
• செகார் பேரா தொடருந்து நிலையம்
• பாடாங் தெங்கு தொடருந்து நிலையம்