கோங்கம்

கோங்கம் என்று சங்கப்பாடல் கூறும் மரத்தை இக்காலத்தில் கோங்கு (Cochlospermum religiosum) எனக் கூறுகின்றனர்.

கோங்கம்
Cochlospermum religiosum blossoms
உயிரியல் வகைப்பாடு
திணை:	தாவரம்
தரப்படுத்தப்படாத:	பூக்கும் தாவரம்
தரப்படுத்தப்படாத:	இருவித்திலைத் தாவரம்
தரப்படுத்தப்படாத:	ரோசிதுகள்
வரிசை:	Malvales
குடும்பம்:	Bixaceae
பேரினம்:	Cochlospermum
இனம்:	C. religiosum
இருசொற் பெயரீடு
Cochlospermum religiosum (L.) Alston

கோங்க முகை

கோங்க மலர்

கோங்கமரம் இக்காலத்தில் வீட்டுப்பொருள்கள் செய்யப் பயன்படுகிறது. இதனால் செய்யப்பட்ட பொருள்கள் இலேசாகவும், மழமழப்பாகவும், மஞ்சள்-நிறதிலும் இருக்கும்.

சங்ககால மகளிர் குவித்து விளையாடியதாகத் தொகுக்கப்பட்டுள்ள 99 மலர்களில் கோங்கம் பூவும் ஒன்று.^[1]

கோங்கமரம், பூ, தாது பற்றிய சங்கநூல் செய்திகள்

• எலியின் காது கோங்கம் பூவின் மையப் பகுதி போல இருக்கும் ^[2]
• கோங்க மலரைப் பதத்தோடு பறித்தெடுப்பர் ^[3]
• கோங்கின் மகரந்தப் பொடிகளை மகளிர் மேனியில் பூசிக்கொள்வர். அதற்காக அவற்றைச் செம்பாலான செப்புகளில் சங்ககாலத்தில் விற்பனை செய்வர். செல்வர் அவற்றை சம அளவு பொன் கொடுத்து வாங்குவர்.^[4]
• கோங்க-மலரின் முகை மகளிர் முலைபோல் இருக்கும்.^{[5][6][7][8][9]}
• மதுரையை அடுத்த வையை ஆற்றுப் படுகையில் பாணர் முற்றத்தில் கோங்க மலர்கள் கொட்டிக்கிடக்கும்.^[10]
• கோங்கம்பூ குடை போலவும், மீன் போலவும் இருக்கும்.^[11]
• கோங்கின் அடிமரத்தில் செதில்கள் பொரிந்திருக்கும். பூ பொன்னிறத்தில் இருக்கும்.^[12]
• மரத்திலிருந்து கோங்கமலர் காம்பறுந்து விழுவது யானை ஓட்டுநர் வீசும் தீப்பந்தம் போல விழும்.^[13]
• கோங்கமரத்தில் அதிரல் கொடி ஏறிப் படரும்.^[14]

இவற்றையும் பார்க்க

சங்ககால மலர்கள்