சண்டிமுனி

சண்டிமுனி (Sandimuni) என்பது மில்கா எஸ்.செல்வகுமார் இயக்கத்தில் 2020ஆம் ஆண்டு வெளிவந்த தமிழ் மொழி திகில் நகைச்சுவைத் திரைப்படமாகும். இப்படத்தில் நட்டி , மனிஷா யாதவ் ஆகியோர் நடித்துள்ளனர்.^[1][2]

சண்டிமுனி
இயக்கம்	மில்கா எஸ்.செல்வகுமார்
தயாரிப்பு	சிவராம்குமார்
இசை	ஏ.கே.ரிஷால்சாய்
நடிப்பு	நட்டி மனிஷா யாதவ்
ஒளிப்பதிவு	சென்தில் ராஜகோபால்
படத்தொகுப்பு	புவன் சீனிவாசன்
கலையகம்	சிவம் மீடியா ஒர்க்ஸ்
வெளியீடு	7 பெப்பிரவரி 2020 (2020-02-07)
ஓட்டம்	121 நிமிடங்கள்
நாடு	இந்தியா
மொழி	தமிழ்

கதைச் சுருக்கம்

மனைவி தாமரை ( மனிஷா யாதவ் ) இறந்த பிறகு, கணவர் சண்டிமுனி ( நட்டி ) மற்றொரு பெண்ணான இராதிகாவை (இதுவும் மனிஷா யாதவ்) காதலிக்கிறார். அவர் வேறொரு பெண்ணைக் காதலிப்பதைப் பார்த்ததும், இறந்த மனைவியின் ஆவி இதைத் தாங்க முடியாமல் அவரைத் தாக்கத் தொடங்குகிறது.

நடிகர்கள்

• கட்டிடப் பொறியாளர் சண்டிமுனியாக நட்டி^[3][4]
• தாமரை / இராதிகா (ஆசிரியை) என இரு வேடங்களில் மனிஷா யாதவ்
• கோரக்காக யோகி பாபு^[5]
• ஆர்த்தி
• சாம்ஸ்
• காதல் சுகுமார்
• கௌரி புனிதன்
• வாசு விக்ரம்^[5]
• சூப்பர் சுப்பராயன்^[5]
• மயில்சாமி^[5]

தயாரிப்பு

ராகவா லாரன்ஸிடம் உதவியாளராக இருந்த செல்வகுமார் இயக்குநராக அறிமுகமான படம் இது.^[6] படத்தின் பெரும்பகுதி பழனிக்கு அருகில் உள்ள மெய்க்கரசபட்டியில் உள்ள ஒரு வீட்டில் நடக்கிறது. இரண்டாவது முக்கிய வேடத்தில் யோகி பாபு நடித்துள்ளார்.^[5][7]

வெளியீடு

"சண்டிமுனி" 7 பிப்ரவரி 2020 அன்று வெளியிடப்பட்டது. தி டைம்ஸ் ஆஃப் இந்தியா படத்திற்கு ஐந்து நட்சத்திரங்களில் ஒரு நட்சத்திரத்தை வழங்கியது. மேலும், "கதை, கதாபாத்திரம் , திரைக்கதையில் எந்த புதுமையான கூறுகளும் இல்லாமல், திரைப்படம் ஒரு பெரிய குழப்பம்" என்று எழுதியது. மாலை மலர் பாடல்கள், ஒளிப்பதிவு, நகைச்சுவைக் காட்சிகள் பின்னணி இசை ஆகியவற்றை பாராட்டியது.^[8]

ஒலிப்பதிவு

இப்படத்திற்கான பாடல்களுக்கு ஏ.கே.ரிஷால்சாய் இசையமைத்துள்ளார்.^[9][10]