சமூகமயமாக்கம்

சமூகவியலில் சமூகமயமாக்கம் (socialization) என்பது சமூகத்தின் விதிமுறைகள், கருத்தியல் ஆகியவற்றை உள்வாங்கும் வழிமுறையைக் குறிக்கும். சமூகமயமாக்கம், கற்றலையும் கற்பித்தலையும் உள்ளடக்கி இருப்பதால் சமூக, பண்பாட்டுத் தொடர்ச்சியை எய்துவதற்கு இது வழியாக உள்ளது.^[1]:5[2] சமூகமயமாக்கத்துக்கு வளர்ச்சி உளவியலுடன் நெருங்கிய தொடர்பு உண்டு.^[3] தமது பண்பாட்டைக் கற்றுக்கொள்வதற்கும் வாழ்வதற்கும் மனிதருக்குச் சமூக அனுபவம் தேவையாக உள்ளது.^[4] சமூகமயமாக்கமே வாழ்க்கை முழுவதுமான கற்றலின் வெளிப்பாடாக உள்ளது. அத்துடன் இதுவே வளர்ந்தோரினதும், சிறுவரினதும் நடத்தைகள், நம்பிக்கைகள், செயற்பாடுகள் மீது முதன்மையான செல்வாக்கைச் செலுத்துகிறது.^[5][6]

சமூகமயமாக்கம் அது இடம்பெறும் சமூகத்தைப் பொறுத்தவரை விரும்பத்தக்க விளைவுகளை ஏற்படுத்தக்கூடும். அச்சமூகத்தில், சிலவேளைகளில் அது ஒழுக்கம் எனப்படுகின்றது. தனி மனிதரின் நோக்குகள் சமூகத்தின் ஒருமனதான நோக்குகளின் செல்வாக்குக்கு உட்பட்டவை. இந்த ஒருமனதான நோக்குகளே சமூகத்தினால் எற்ற்கப்படவையாகவும், வழமையானவை என்றும் கருதப்படுகின்றன.