சாமல்பட்டி தொடருந்து நிலையம்

சாமல்பட்டி தொடருந்து நிலையம் (Samalpatti railway station, நிலையக் குறியீடு:SLY) இந்தியாவின், தமிழகத்தின், கிருட்டிணகிரி மாவட்டத்தில் உள்ள சாமல்பட்டி ஊரில் உள்ள தொடருந்து நிலையம் ஆகும்.^[1][2] இது ஊத்தங்கரை மற்றும் அதனை சுற்றியுள்ள கிராமங்களின் தொடருந்து நிலையமாகும்.

சாமல்பட்டி
தொடருந்து நிலையம்
பொது தகவல்கள்
அமைவிடம்	புதுச்சேரி - பெங்களூர் தேசிய நெடுஞ்சாலை 66, சாமல்பட்டி, கிருட்டிணகிரி மாவட்டம், தமிழ்நாடு இந்தியா
ஆள்கூறுகள்	12.3109°N 78.48287°E / 12.3109; 78.48287
உரிமம்	இந்திய இரயில்வே
இயக்குபவர்	தென்னக இரயில்வே
நடைமேடை	2
இருப்புப் பாதைகள்	4
கட்டமைப்பு
தரிப்பிடம்	உண்டு
துவிச்சக்கர வண்டி வசதிகள்	இல்லை
மற்ற தகவல்கள்
நிலை	செயல்படுகிறது
நிலையக் குறியீடு	SLY
மண்டலம்(கள்)	தென்னக இரயில்வே
கோட்டம்(கள்)	சேலம்
அமைவிடம் சாமல்பட்டி தமிழக வரைபடத்தில் உள்ள இடம் Show map of தமிழ்நாடு சாமல்பட்டி இந்திய வரைபடத்தில் உள்ள இடம் Show map of இந்தியா

இது இந்திய இரயில்வேயால் நிர்வகிக்கப்படும் 7 மண்டலங்களில் ஒன்றான தென்னக இரயில்வே மண்டலத்தின் அங்கமான சேலம் தொடருந்து கோட்டத்தின் கீழ் செயல்படுகிறது.

திட்டங்கள் மற்றும் மேம்பாடு

இந்திய இரயில்வேயின் அமிர்த பாரத் நிலையத் திட்டத்தின் கீழ் மேம்படுத்தப்படுவதற்கு தமிழ்நாட்டிலுள்ள 532 தொடருந்து நிலையங்களில் தேர்ந்தெடுக்கப்பட்ட 77 நிலையங்களில் இதுவும் ஒன்றாகும். அம்ரித் பாரத் திட்டத்தின் கீழ் தமிழ்நாட்டிற்கென 4100கோடி நிதி ஒதுக்கீடு செய்யப்பட்டுள்ளது. மத்திய அரசின் உள்கட்டமைப்புக்கான பிரதமர் கதி சக்தி அமைப்பின் கீழ் இத்திட்டம் செயற்படுத்தப்படுகிறது. ^{[3][4][5][6][7]}

அமிர்த பாரத் திட்டத்தின் கீழ் சேலம் கோட்டத்தில் 15 நிலையங்கள் தேர்ந்தெடுக்கப்பட்டன, சாமல்பட்டி தொடருந்து நிலையத்தை புதுப்பிக்கும் பணிக்கு 8 கோடி ரூபாய் ஒதுக்கப்பட்டுள்ளது.^{[8][9][10][11][12][13][14][15][16]}