நிம்ருத்

நிம்ருத் (Nimrud) (/nɪmˈruːd/; அரபி: النمرود) தற்கால ஈராக் நாட்டின் நினிவே ஆளுநகரகத்தில் மோசுல் நகரத்திற்கு தெற்கில் 20 கி.மீ. தொலைவில் உள்ள பண்டைய நகரம் ஆகும். நிம்ருத் உலகப் பாரம்பரியக் களங்களில் ஒன்றாக யுனெஸ்கோ அறிவித்துள்ளது.

நிம்ருத்
மனிதத் தலையும், கழுகின் சிறகுகள் மற்றும் சிங்கத்தின் உடலைக் கொண்ட லம்மசு சிற்பம், மன்னர் இரண்டாம் அசூர்நசிபால் அரண்மனை, இதனை 2016ல் இசுலாமிய அரசு பயங்கரவாதிகள் வெடி குண்டு வைத்து தகர்த்தனர்.[1]
Shown within Iraq
மாற்றுப் பெயர்	சலா, கலாக், கல்ஹு
இருப்பிடம்	நூமானியா, நினிவே ஆளுநகரகம், ஈராக்
பகுதி	மெசொப்பொத்தேமியா
ஆயத்தொலைகள்	36°5′53.49″N 43°19′43.57″E
வகை	உலகப் பாரம்பரியக் களம்
பரப்பளவு	3.6 km2 (1.4 sq mi)

வடக்கு மெசொப்பொத்தேமியாவில் டைகிரீஸ் ஆற்றின் கரையில் அமைந்த நிம்ருத் நகரம்^[2], கிமு 879 முதல் 706 முடிய புது அசிரியப் பேரரசின் தலைநகராக விளங்கியது.

இந்நகரம் கிமு 1350 முதல், கிமு 612ல் நினிவே போர் முடியும் வரை பண்டைய அசிரியாவின் முக்கிய நகரமாக விளங்கியது.

நிம்ருத் நகரம் 360 ஹெக்டெர் பரப்பளவு கொண்டது.^[3] பண்டைய நிம்ருத் நகரத்தின் அழிபாடுகள், தற்போதைய ஈராக் நாட்டின் நினிவே மாகாணத்தின், மோசுல் நகரத்திற்கு தென்கிழக்கில் 30 கி.மீ. தொலவில் உள்ள அசிரியக் கிராமமான நூமானியாவில் அகழாய்வில் கண்டெடுக்கப்பட்டுள்ளது. நிம்ருத் தொடர்பான அகழாய்வுகள் 1845, 1879 மற்றும் 1949 முதல் நடைபெற்றது.

நிம்ருத் அகழாய்வில் கண்டெடுக்கப்பட்ட முக்கியத் தொல்பொருட்கள் ஈராக் மற்றும் ஐரோப்பிய நாடுகளின் அருங்காட்சியகங்களில் காட்சிக்கு உள்ளது.^[4][5]

விவிலியம் காலத்திய புது அசிரியப் பேரரசர் நிம்ரோத்தின் பெயரால் இந்நகரம் நிம்ருத் என அழைக்கப்படுகிறது.^[6][7]

பண்டைய வரலாறு

நிம்ருத் நகரத்தின் அரண்மனையை கற்பனையுடன் 1853ல் கட்டப்பட்டது.

நிம்ருத் நகர வரைபடம், 1920^[8]

நிம்ருத் நகரம் நிறுவல்

மத்திய அசிரியப் பேரரசு காலத்தில் (கிமு 1365–1050), பேரரசர் முதலாம் சல்மேனேசெர் (கிமு 1274–1245) ஆட்சியின் போது நிம்ருத் பெரு நகரம் நிறுவப்பட்டது. இருப்பினும் அசூர் நகரமே பழைய அசிரியப் பேரரசின் தலைநகரகமாக கிமு 3500 முதல் விளங்கியது.

புது அசிரியப் பேரரசின் தலைநகரமாக

நிம்ருத் நகரம், புது அசிரியப் பேரரசின் தலைநகரமாக கிமு 879 முதல் 706 முடிய விளங்கியது. பேரரசர் இரண்டாம் அசூர்னசிர்பால் (கிமு 883–859) நிம்ருத் நகரத்தில் 5 கி.மீ. சுற்றளவில் சுவர்களுடன் கூடிய, குடியிருப்புப் பகுதிகள், பெரிய கோயில்களையும், அரண்மனைகளையும் எழுப்பினார். அரண்மனை சுவர்களில் சிற்பஙகள் செதுக்கி வைத்தார்.

தொல்லியல்

நிம்ருத் தொல்லியல் களங்களை அழித்தல்

இசுலாமிய அரசு பயங்கரவாதிகளால் சிதைப்பதற்கு முன் நிம்ருத்தின் தொல்லியல் கள காணொளி^[9]

2014ம் ஆண்டின் நடுவில், பண்டைய நிம்ருத் நகரத்தின் நினைவுச் சின்னங்களை, இசுலாமிய அரசு பயங்கரவாதிகள் குண்டுகள் வைத்து தகர்த்தெறிந்தனர்.^{[10][11] [12][13]}

ஈராக்கின் நிம்ருத் நகரத்தின் அருகில் உள்ள மோசுல் நகர அருங்காட்சியகத்தில் இருந்த அக்காத் பேரரசின் நினைவுச் சின்னங்களை 5 மார்ச் 2015ல் இசுலாமிய அரசு பயங்கரவாதிகளால் முற்றிலும் அழிக்கப்பட்டது.^[14][15][16]

படக்காட்சிகள்

நிம்ருத் அகழாய்வில் கண்டெடுக்கப்பட்ட தொல்பொருட்கள் உலகின் பல்வேறு அருங்காட்சியகங்களில் காட்சியில் உள்ளது

• 
  கலவியில் ஈடுபடும் மனிதனும், சிங்கமும், தந்தத் சிற்பம், பிரித்தானிய அருங்காட்சியகம்
• 
  அசிரியப் பேரரசர் இரண்டாம் அசூர்நசிர்பால் சிற்பம், இலூவா அருங்காட்சியகம்
• 
  இரண்டாம் அசூர்நசிர்பால் சிற்பம், லாஸ் ஏஞ்சலீஸ் கவுண்டி கலைகள் அருங்காட்சியகம்
• 
  சிங்கத்தை வேட்டையாடும் மன்னர், பெர்கோமன் அருங்காட்சியகம், பெர்லின்
• 
  லம்மசு சிற்பம், (பிரித்தானிய அருங்காட்சியகம்)
• 
  மன்னர் மூன்றாம் டிக்லத்-பிலெசரின் லம்மசு, (பிரித்தானிய அருங்காட்சியகம்)
• 
  முற்றுகையிடப்பட்ட நகரம், பிரித்தானிய அருங்காட்சியகம்
• 
  குதிரை வீரர்களின் போர்க்காட்சி, பிரித்தானிய அருங்காட்சியகம்
• 
  கழுகுத் தலை தேவதை, லாஸ் ஏஞ்சலீஸ் கவுண்டி கலைகள் அருங்காட்சியகம்
• 
  லம்மசு, மெட்ரோபாலிட்டன் கலைகள் அருங்காட்சியகம்
• 
  சிறகுகள் கொண்ட சிற்பம், வால்டர்ஸ் கலைகள் அருங்காட்சியகம்
• 
  எகிப்தில் செய்த இரண்டு நிம்ருத் தந்தச் சிற்பங்கள், (பிரித்தானிய அருங்காட்சியகம்)
• 
  நான்காம் சாம்சி அதாத் மன்னரின் சிற்பம், உயரம் 195.2 cm, அகலம் 92.5 cm, (பிரித்தானிய அருங்காட்சியகம்)
• 
  இரண்டு வில்வீரர்கள், ஹெர்மிடேஜ் அருங்காட்சியகம்
• 
  மரத்தின் உயிர், இஸ்தான்புல் அருங்காட்சியகம்
• 
  மரத்தின் உயிர், புருக்லீன் அருங்காட்சியகம்

இதனையும் காண்க

• அசூர்
• நினிவே
• ஊர்
• பண்டைய அசிரியா
• பழைய அசிரியப் பேரரசு
• மத்திய அசிரியப் பேரரசு
• புது அசிரியப் பேரரசு

அடிக்குறிப்புகள்