நியூ கலிடோனியா

நியூ கலிடோனியா (New Caledonia, French: Nouvelle-Calédonie)^{[கு 1]} என்பது பிரான்சின் கடல்கடந்த மண்டலமாகும். இம்மண்டலம் தென்மேற்கு பசிபிக் பெருங்கடலில், ஆத்திரேலியாவின் கிழக்கில் இருந்து 1,210 கி.மீ. தூரத்திலும், பிரான்சில் இருந்து 20,000 கி.மீ. தூரத்திலும் அமைந்துள்ளது.^[3] மெலனீசியா துணைப்பகுதியில் அமைந்துள்ள இத்தீவுக் கூட்டத்தில் கிராண்ட் டெரே, லோயல்டீ தீவுகள், செசுட்டர்பீல்டு தீவுகள், பெலெப் தீவுக்கூட்டம், மற்றும் பல சிறிய தீவுகளும் உள்ளன.^[4] செசுட்டர்பீல்டு தீவுகள் பவளக் கடலில் அமைந்துள்ளது.^[5]

நியூ கலிடோனியா Nouvelle-Calédonie (French)
கொடி
குறிக்கோள்: "Terre de parole, terre de partage"[1] "பேச்சின் நிலம், பங்கீட்டின் நிலம்"
நாட்டுப்பண்: Soyons unis, devenons frères[1]
சின்னம்
நிலை	Sui generis சிறப்புக் கூட்டமைப்பு
தலைநகரம்	நூமியா 22°16′S 166°28′E
பெரிய நகர்	தலைநகர்
ஆட்சி மொழி(கள்)	பிரெஞ்சு
பிராந்திய மொழிகள்	நெங்கோன் பாய்ச்சி அஜியோ திரேகு சாவகம் , மேலும் 35 உள்ளூர் மொழிகள்
மக்கள்	நியூ கலிடோனியன்
சுயாட்சி	பிரான்சு
அரசாங்கம்	சார்பு மண்டலம்
• தலைவர்	இம்மானுவேல் மாக்ரோன்
• அரசுத்தலைவர்	பிலிப் கெர்மைன்
• உயர் ஆணையர்	தியெரி லட்டாஸ்டே
சட்டமன்றம்	பிராந்திய காங்கிரசு
நிறுவுதல்
• பிரான்சுடன் இணைப்பு	1853
• கடல்கடந்த மண்டலம்	1946
• சிறப்பு கூட்டு	1999
பரப்பு
• மொத்தம்	18,576 km2 (7,172 sq mi)
• நிலம்	18,275 km2 (7,056 sq mi)
மக்கள் தொகை
• 2017 மதிப்பீடு	278,500 (182-வது)
• அடர்த்தி	14.5/km2 (37.6/sq mi) (200-வது)
மொ.உ.உ. (பெயரளவு)	2011 மதிப்பீடு
• மொத்தம்	US$9.89 பில்.[2]
• தலைவிகிதம்	US$38,921[2]
நாணயம்	CFP franc (XPF)
நேர வலயம்	ஒசநே+11
வாகனம் செலுத்தல்	வலது
அழைப்புக்குறி	+687
ஐ.எசு.ஓ 3166 குறியீடு	NC
இணையக் குறி	.nc

நியூ கலிடோனியாவின் நிலப்பரப்பு 18,576 சதுரகி.மீ. ஆகும். மக்கள்தொகை 268,767 ஆகும் (ஆகத்து 2014 கணக்கெடுப்பு)^[6] இவர்களில் நியூகலிடோனியாவின் பழங்குடியினர் கனாக்கு மக்கள் எனப்படுவோர், ஐரோப்பியக் குடியேறிகள், பொலினீசிய மக்கள் (குறிப்பாக வலிசியர்), மற்றும் தென்கிழக்காசியர், சிறிய அளவு வடக்கு ஆப்பிரிக்க வம்சாவழியினரும் அடங்குவர்.. இதன் தலைநகரம் நூமியா ஆகும்.^[3]

1986 ஆம் ஆண்டு முதல் குடியேற்றங்களை இல்லாதொழிப்பதற்கான ஐக்கிய நாடுகளின் ஆணையம் நியுகலிடோனியாவை சுயாட்சியற்ற மண்டலமாகப் பட்டியலிட்டு வருகிறது.^[7] 1987 இல் இங்கு மக்கள் கருத்துக்கணிப்பு மேற்கொள்ளப்பட்டதில், பெரும்பான்மையான மக்கள் விடுதலைக்கு எதிராக வாக்களித்தனர். இரண்டாவது தடவையாக 2018 நவம்பர் 4 இல் இடம்பெற்ற மக்கள் கருத்துக் கணிப்பில்^[8][9] 56.9% மக்கள் பிரான்சுடன் இணைந்திருக்க விருப்பம் தெரிவித்தனர்.^[10] 2020 இல் நடந்த வாக்கெடுப்பில் 53.3% மக்கள் விடுதலைக்கு எதிராக வாக்களித்தனர். இறுதியாக, 2021 நவம்பர் 12 இல் நடந்த வாக்கெடுப்பில் 96.49% மக்கள் விடுதலைக்கு எதிராகவும், 3.51% மக்கள் ஆதரவாகவும் வாக்களித்தனர்.^[11] பழங்குடிகளான கனாக்கு மக்கள் கோவிட்-19 பெருந்தொற்றைக் காரணம் காட்டி இவ்வாக்கெடுப்பைப் புறக்கணித்தனர்.^[12][13]

வரலாறு

நியூகலிடோனியாவில் ஆரம்பகால மனிதக் குடியேற்றங்கள் கிமு 1600 முதல் கிபி 500 (லப்பித்தா காலத்தில்) இடம்பெற்றது.^[14] லப்பித்தா மக்கள் பசிபிக் பிராந்தியத்தில் மிகவும் திறமை வாய்ந்த மாலுமிகளாகவும் வேளாண்மையில் சிறந்து விளங்கியதாகவும் அறியப்படுகிறது.^[15]

இரண்டு கனாக்கு வீரர்கள் ஆண்குறிக் கவசங்களுடனும் ஈட்டிகளுடனும், 1880களில்

பிரித்தானிய நாடுகாண் பயணி கப்டன் ஜேம்ஸ் குக் முதன்முறையாக நியூகலிடோனியாவை 1774 செப்டம்பர் 4 இல் தனது இரண்டாவது கடற்பயணத்தின் போது கண்ணுற்றார்.^[16] இசுக்காட்லாந்தின் நினைவாக இதற்கு "புதிய கலிடோனியா" என அவர் பெயரிட்டார்.^[16] கிராண்ட் டெரே தீவின் மேற்குக் கரையை 1788 இல் கொம்டே டி லப்பேரோசு என்பவர் கண்டுபிடித்தார். லோயால்ட்டி தீவுகளுக்கு வில்லியம் ராவென் என்பவர் 1793-96 இல் பயணம் செய்தார்.^[17]

குறிப்புகள்

1. முன்னர் அதிகாரபூர்வமாக "நியூ கலிடோனியா பிராந்தியமும் சார்புகளும்" (Territory of New Caledonia and Dependencies, French: Territoire de la Nouvelle-Calédonie et dépendances), சுருக்கமாக "நியூ கலிடோனியா பிராந்தியம்", இப்போது அதிகாரபூர்வமான பிரெஞ்சுப் பெயர் Nouvelle-Calédonie (Organic Law of 19 March 1999, article 222 IV – பார்க்க: ).