நீசுனி நோவ்கோரத் மாகாணம்

நீசுனி நோவ்கோரத் மாகாணம் (Nizhny Novgorod Oblast, உருசியம்: Нижегоро́дская о́бласть, நீசெகரோத்ஸ்கயா ஓப்லஸ்த்) அல்லது நீசெகோரத் மாகாணம்) என்பது உருசியாவின் நடுவண் அலகும், ஒரு உருசிய மாகாணமும் ஆகும். இதன் நிர்வாக மையம் நீசுனி நோவ்கோரத் நகரம் ஆகும். 2010 மக்கள் கணக்கெடுப்பின்படி, இதன் மக்கள்தொகை 3,310,597 ஆகும்.^[8] 1932-1990 காலகட்டத்தில் இது கோர்க்கி ஒப்லாஸ்து என அறியப்பட்டது. இந்த மாகாணம் வழியாக வோல்கா ஆறு கடந்து செல்கிறது.

நீசுனி நோவ்கோரத் மாகாணம் Nizhny Novgorod Oblast
மாகாணம்
Нижегородская область
கொடி சின்னம்
பண்: எதுவுமில்லை[1]
நாடு	உருசியா
நடுவண் மாவட்டம்	வோல்கா[2]
பொருளாதாரப் பகுதி	வோல்கா-வையாத்கா[3]
நிர்வாக மையம்	நீசுனி நோவ்கோரத்[4]
அரசு
• நிர்வாகம்	நீசுனி நோவ்கோரட்த் சட்டமன்றம்[5]
• ஆளுநர்[5]	வலேரி சாந்த்சொவ்[6]
பரப்பளவு [7]
• மொத்தம்	76,900 km2 (29,700 sq mi)
• பரப்பளவு தரவரிசை	40வது
மக்கள்தொகை  (2010 மக்கள் தொகை கணக்கெடுப்பு)[8]
• மொத்தம்	33,10,597
• மதிப்பீடு  (2018)[9]	32,34,752 (−2.3%)
• தரவரிசை	10வது
• அடர்த்தி	43/km2 (110/sq mi)
• நகர்ப்புறம்	78.9%
• நாட்டுப்புறம்	21.1%
நேர வலயம்	ஒசநே+3 (ஒசநே+03:00 [10])
ஐஎசுஓ 3166 குறியீடு	RU-NIZ
அனுமதி இலக்கத்தகடு	52, 152
OKTMO ஐடி	22000000
அலுவல் மொழிகள்	உருசியம்[11]
இணையதளம்	http://www.government-nnov.ru/

புவியியல்

நீஷ்னி நொவ்கோரத் ஒப்லாஸ்து வரைபடம்

இந்த ஒப்ளாஸ்து 76.900 சதுர கிலோமீட்டர் (29,700 சதுர மைல்) பரப்பளவு கொண்டுள்ளது. இந்த பகுதியின் நிலப்பரப்பில் வேளாண் நிலம் 41%, காடுகள் பரப்பளவு 48%, ஏரிகள் மற்றும் ஆறுகள், 2%; பிறவகை நிலங்கள் 9% ஆகும். ஒப்லாஸ்து எல்லைகளாக வடக்கில் கொஸ்ட்ரோமா ஒப்லாஸ்து, வடகிழக்கில் கீரோவ் ஒப்லாஸ்து, கிழக்கில் மாரீ எல் குடியரசு மற்றும் சுவாஷ் குடியரசு ஆகியவையும், தெற்கில் மர்தோவியா குடியரசு, தென்மேற்கில் ரயாசன் ஒப்லாஸ்து, மேற்கில் விளாடிமிர் ஒப்லாஸ்து , வடமேற்கில் திறான ஒப்லாஸ்து ஆகியவை உள்ளன.

இயற்கை வளங்கள்

இந்த ஒப்லாஸ்து குறிப்பிடும்படியான மதிப்புமிக்க இயற்கை வளம் அற்றதாக உள்ளது, ஓரளவு மணல் இருப்பு கொண்டுள்ளது. (டைட்டானியம்-ஸிர்கோனியம் மணல் உட்பட), மேலும் களிமண் , ஜிப்சம் , கரி , கனிம உப்பு , மரம் ஆகியவற்றைக் கொண்டுள்ளது.

மக்கள் வகைப்பாடு

மாகாணத்தின் மக்கள் தொகை: 3,310,597 ( 2010 கணக்கெடுப்பு ); 3,524,028 ( 2002 மக்கள் தொகை கணக்கெடுப்பு ); 3,714,322 ( 1989 மக்கள் தொகை கணக்கெடுப்பு .) 2010 ஆம் ஆண்டு கணக்கெடுப்பின் படி,^[8] உருசிய இனக்குழுவினர் மக்கள் தொகையில் 3.109.661 ( 95.1% ) உள்ளனர். பிற இன குழுக்களில் தடார்கள் 44,103 ( 1.4%), மோர்தோவர்கள் 19,138 ( 0.6%), உக்ரைனியர்கள் 17,657 ( 0.5% ) மற்றும் வேறுபல இனக்குழுக்கள் இருந்தாலும் ஒவ்வொரு குழுவும் 0.5% க்கும் குறைவாகவே உள்ளனர், 42.349 பேர் மற்ற இனங்களைச் சேர்ந்தவர்களாகவோ அல்லது கேள்விக்கு பதில் அளிக்காதவர்களாகவோ உள்ளனர். .^[12]

• பிறப்பு (2011): 36,315 (1000 11.0)
• இறப்பு (2011): 54,184 (1000 16.4 சதவீதம்)

2011 ல் 8.5% இறப்பு குறைந்துள்ளது,( 2010 ஆண்டை ஒப்பிடும்போது )^[13] 2012 முக்கிய புள்ளிவிரங்கள்

• பிறப்பு: 38,881 (1000 11.8)
• இறப்பு: 52,771 (1000 16.0) ^[14]
• மொத்த கருத்தரிப்பு விகிதம்:^[15]

2009 - 1.43 | 2010 - 1.42 | 2011 - 1.44 | 2012 - 1.55 | 2013 - 1.56 | 2014 - 1.59 (இ)

பொருளாதாரம்

தொழில் துறை உற்பத்தியில் இந்த பிராந்தியம் உருசியாவில் ஏழாவது இடத்தை வகிக்கிறது. பிராந்தியத்தின் பொருளாதாரத்தில் 650 க்கும் அதிகமான தொழில் நிறுவனங்கள் பங்களிப்பு செய்கின்றன. கிட்டத்தட்ட 700,000 தொழிலாளர்கள் உள்ளனர். இவர்களில் பொருள் உற்பத்தி வேலை தொடர்புடைய தொழிலாளர்கள் 62% ஆவர். முன்னணி தொழில் பிரிவினர் பொறியியல் மற்றும் உலோக வேலைகள், ரசாயனம் மற்றும் பெட்ரோ கெமிக்கல் தொழில்கள் , காடுகளைச் சார்ந்த தொழில்கள், மரப்பொருட்கள், மற்றும் காகித தொழிற்சாலைகள் போன்றவை குறிப்பிடத்தக்கதாக உள்ளன.

சமயம்

2012 ஆண்டின் உத்தியோகபூர்வ கணக்கெடுப்பு படி,^[16] இந்த ஒப்லாஸ்து மக்கள் தொகையில் 69,2% பேர் உருசிய மரபுவழித் திருச்சபை கிருத்தவர்கள், 2% பேர் திருச்சபை இணைப்பில்லாத பொதுவான கிருத்துவர்கள், 2% கிழக்கு மரபுவழி திருச்சபை கிருத்தவர்கள், 1% கத்தோலிக்க திருச்சபை, மற்றும் 1% ஸ்லாவிக் நாட்டுப்பற மதம் (ஸ்லாவிக் நியோபகனியம்) . மக்கள் தொகையில் 15% ஆன்மீக மத நாட்டம் அற்றவர்கள். 10% நாத்திகர், 0.8% மற்ற மதங்களைசேர்ந்தவர்களாகவோ அல்லது கேள்விக்கு பதில் அளிக்காதவர்களாகவோ உள்ளனர்.^[16]