பெரிலியம் நைட்ரைடு

பெரிலியம் நைட்ரைடு (Beryllium nitride) என்பது Be₃N₂,என்ற மூலக்கூறு வாய்ப்பாடு கொண்ட பெரிலியம் தனிமத்தின் நைட்ரைடு உப்பு ஆகும். பகுதிப்பொருள்களாக உள்ள பெரிலியம் மற்றும் நைட்ரசன் தனிமங்களில் இருந்து உயர் வெப்பநிலையில் (1100 முதல் 1500 ₀ செ)^[2] பெரிலியம் நைட்ரைடு தயாரிக்க முடியும். பெரிலியம் அசைடு போலில்லாமல் பெரிலியம் நைட்ரைடு வெற்றிடத்திலேயே சிதைவடைந்து பெரிலியம் மற்றும் நைட்ரசனைக் கொடுக்கிறது.^[2] மேலும் இது விரைவாக நீராற்பகுப்பு அடைந்து பெரிலியம் ஐதராக்சைடு மற்றும் அமோனியாவைக்^[2] கொடுக்கிறது. கனசதுர α-Be₃N₂ வடிவுடன் சிதைவுற்ற புளோரைட்டு எதிர் அமைப்பு மற்றும் அறுகோண β-Be₃N₂^[2] ஆகிய பல்லுருத் தோற்றங்களில் பெரிலியம் நைட்ரைடு காணப்படுகிறது. 1800 முதல் 1900 ⁰ செல்சியசு வெப்பநிலையில், அமோனியா வாயுப் பாய்ச்சலில் சிலிக்கான் நைட்ரைடுடன் (Si₃N₄ ) வினைபுரிந்து BeSiN₂ சேர்மத்தைத் தருகிறது.^[2]

பெரிலியம் நைட்ரைடு

இனங்காட்டிகள்
சிஏஎசு எண்	1304-54-7 Y
பண்புகள்
மூலக்கூறு வாய்பாடு	Be3N2
வாய்ப்பாட்டு எடை	55.06 கி/மோல்
தோற்றம்	மஞ்சள் அல்லது வெண்மை துகள்
அடர்த்தி	2.71 கி/செ.மீ3
உருகுநிலை	2,200 °C (3,990 °F; 2,470 K)
கொதிநிலை	2,240 °C (4,060 °F; 2,510 K) (சிதைவடையும்)
நீரில் கரைதிறன்	சிதைவடையும்
[[அமிலங்கள், காரங்கள்]]-இல் கரைதிறன்	நீராற்பகுப்பு அடையும்
கட்டமைப்பு
படிக அமைப்பு	கனசதுரம், cI80, இடக்குழு = Ia-3, No. 106 (α வடிவம்)
தீங்குகள்
அமெரிக்க சுகாதார ஏற்பு வரம்புகள்:
அனுமதிக்கத்தக்க வரம்பு	நேரக் கணக்கீட்டு சராசரி 0.002 மி.கி/மீ3 C 0.005 மி.கி/மீ3 (30 நிமிடங்கள்), அதிகபட்ச உயர்வுடன் 0.025 மி.கி/மி3 (Be ஆக)[1]
பரிந்துரைக்கப்பட்ட வரம்பு	Ca C 0.0005 மி.கி/மி3 (Be ஆக)[1]
உடனடி அபாயம்	Ca [4 மி.கி/மீ3 (Be ஆக)][1]
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். Y verify (இது YN ?) வார்ப்புரு மேற்கோள்கள்

தயாரிப்பு

700 முதல் 1400 ⁰ செல்சியசு வெப்பநிலையில் பெரிலியம் உலோகத் தூளை ஆக்சிசனற்ற சூழலில் உலர் நைட்ரசனுடன் வினைபுரியச் செய்வதன் மூலம் பெரிலியம் நைட்ரைடைத் தயாரிக்கலாம்.

பயன்கள்

வெப்பந்தாங்கும் பீங்கான் தயாரிப்பில்^[3], அணுக்கரு உலைகளில், மற்றும் கதிரியக்கக் கார்பன் – 14 உற்பத்தியில் பெரிலியம் நைட்ரைடு பெரிதும் பயன்படுகிறது.

வினைகள்

கனிம அமிலங்களுடன் பெரிலியம் நைட்ரைடு வினை புரிந்து அமோனியாவையும் அமிலத்துடன் தொடர்புடைய உப்புகளையும் உருவாக்குகிறது.

Be₃N₂ + 6 HCl → 3 BeCl₂ + 2 NH₃

காரக் கரைசல்களுடன் வினைபுரியும் போது ஒரு பெரிலேட்டை உருவாக்கி அமோனியாவை வெளியேற்றுகிறது.

Be₃N₂ + 6 NaOH → 3 Na₂BeO₂ + 2 NH₃

அமிலங்கள் மற்றும் காரங்களுடன் வினைபுரியும் போது தீவிரத்துடனும் வேகத்துடனும் நடைபெறும் வினைகள் தண்ணீருடன் வினைபுரியும் போது மெதுவாக நிகழ்கிறது.

Be₃N₂ + 6 H₂O → 3 Be(OH)₂ + 2 NH₃

ஆக்சிசனேற்றிகளுடன் வினைபுரியும் போது வேதிவினையானது அதிதீவிரமாக நடைபெறுகிறது. ⁰ செல்சியசு வெப்பநிலையில் பெரிலியம் நைட்ரைடு காற்றில் ஆக்சிசனேற்றம் அடைகிறது.