பெருங்குடல் மலகுடலுக்குரிய புற்று நோய்

பெருங்குடல் மலக்குடலுக்குரிய புற்று நோய் (Colorectal cancer) என்பது பெருங்குடலின் பகுதிகளில் ஏற்படும் புற்று நோயைக் குறிக்கிறது. இதன் மற்றொரு பெயர் பெருங்குடல் புற்று நோய், அல்லது குடல் புற்று நோய் ஆகும். ^[1]இப்புற்றுநோய்க்கான காரணம், செல்களின் அசாதாரணமான வளர்ச்சியும் உடலின் மற்ற பகுதிகளை ஊடுருவிப் பரவக்கூடிய திறனும் ஆகும்.^[2]

பெருங்குடல் மலகுடலுக்குரிய புற்று நோய்
Diagram of the lower gastrointestinal tract
வகைப்பாடு மற்றும் வெளிச்சான்றுகள்
சிறப்பு	புற்றுநோயியல்
ஐ.சி.டி.-10	C18.-C20./C21.
ஐ.சி.டி.-9	153.0-154.1
ஐ.சி.டி.-ஒ	M8140/3 (95% of cases)
ம.இ.மெ.ம	114500
நோய்களின் தரவுத்தளம்	2975
மெரிசின்பிளசு	000262
ஈமெடிசின்	med/413 med/1994 ped/3037
பேசியண்ட் ஐ.இ	பெருங்குடல் மலகுடலுக்குரிய புற்று நோய்

மலத்தில் இரத்தப் போக்கு, மலங்கழித்தலில் மாறுதல்கள் , எடைக் குறைவு, மேலும் எப்பொழுதும் சோர்வாக இருப்பது போன்றவை இந்நோய்க்கான அறிகுறிகளாகும்.^[3]

நோய்க்கான காரணம்

பெருங்குடல் புற்று நோய் வருவதற்கு, வாழ்க்கை முறைகளும், முதுமையடைவதும் பெரும்பாலான காரணங்களாக இருப்பினும், ஒரு சிறு எண்ணிக்கை நோயாளிகளுக்கு மரபணு மற்றும் மரபுவழி கோளாறுகளாலும் இந்நோய் ஏற்படுகிறது.^[4][5]

பதப்படுத்தபட்ட இறைச்சி, மது போன்ற உணவுப் பழக்க வழக்கங்கள், உடல் பருமன், புகைபிடித்தல், போதிய உடல் ரீதியான செயல்பாடுகள் இல்லாமலிருப்பதும் இந்நோய்க்கான காரணிகளில் அடங்கும்.^[4][5] இதுமட்டுமின்றி குடல் அழற்சி நோய், சுருட்குடல் நோய், பெருங்குடல் அழற்சி போன்ற நோய்களால் பாதிக்கப்பட்டாலும் இப்புற்றுநோய் வர வாய்ப்புள்ளது.^[4]

நோய் கண்டறிதல், தடுத்தல் மற்றும் திரையிடல்

குடற்திசு மாதிரியைக் கொண்டு குடலில் கட்டி உள்ளதா என்றறிய செய்யப்படும் சிக்மோய்டோஸ்கோபிச் சோதனை அல்லது கொலோனோஸ்கோபி வாயிலாக இப்புற்றுநோயைக் கண்டறியாலாம்.^[3] அதனைத் தொடர்ந்து மருத்துவ இயல்நிலை படமாக்கல் செய்து நோய் பரவியுள்ளதா என்பதை உறுதி செய்ய வேண்டும்.^[1] 50 வயது முதல் 75 வயது வரை உள்ளவர்கள் குடல் புற்றுநோயிலிருந்து இறப்பதைத் தவிர்ப்பதற்கு புற்றுநோய் மருத்துவ சோதனை மிகவும் பயனுள்ளதாக இருக்கும் எனப் பரிந்துரைக்கப்படுகிறது.^[6]

கொலோனோஸ்கோபி செய்யும் பொழுது கட்டிகள் அகற்றப்படுகிறது. ஆஸ்ப்ரின் மற்றும் ஸ்டீரோய்ட் அல்லாத அழற்சி மருந்துகள் ஆபத்தை குறைக்கின்றன.^[4][7] எனினும் பக்க விளைவுகள் காரணமாக இவை பொதுப் பயன்பாட்டுக்குப் பரிந்துரைக்கபடுவதில்லை.^[8]

மேலாண்மை, முன்கணிப்பு, நோய்த்தொற்று அறிவியல்

மலக்குடல் புற்றுநோய்க்கான சிகிச்சையில் அறுவைச் சிகிச்சை, கதிரியக்கச் சிகிச்சை, வேதிச்சிகிச்சை மற்றும் இலக்குச் சிகிச்சை என சில கூட்டு சிகிச்சைகள் மேற்கொள்ளப்படுகின்றன.^[1] பெருங்குடல் சுவற்றில் மட்டுமே காணப்படும் புற்று நோய்களை அறுவைச் சிகிச்சை மூலம் குணப்படுத்த முடியும், ஆயினும் உடலின் மற்ற பாகங்களுக்குப் பரவியிருக்கும் புற்றுநோயைப் பொதுவாகப் பெரும்பாலும் குணப்படுத்த இயலாது.^[1] எனினும் இது புற்றுநோயின் முற்றிய நிலை, புற்றுநோய்க் கட்டியை அறுவைச் சிகிச்சை மூலம் அகற்ற முடிதல், நோயாளியின் ஒட்டுமொத்த உடல் நிலை இவைகளைப் பொறுத்து ஐந்து ஆண்டுகள்^[9] வரை உயிர்வாழ முடியும்.^[3]

உலகளவில் மலக்குடல் புற்று நோய், மொத்தப் புற்று நோயாளிகளிடயே 10 % ஆக, மூன்றாவது இடத்தில் உள்ளது.^[10] 2012-ல் புதிதாக மொத்தம் 140 லட்சம் நபர்கள் குடல் புற்றுநோயினால் பாதிக்கபட்டிருந்தார்கள், மேலும் 69400 நபர்கள் இந்த நோயினால் இறந்தார்கள்.^[10] முன்னேறிய நாடுகளில் இந்நோய்ப் பரவலாகக் காணப்படுகிறது. அங்கு 65% வரை பாதிக்கப்பட்டுள்ளார்கள்.^[4] இந்த நோய் ஆண்களைவிடப் பெண்களிடயே குறைவாகவே உள்ளது.^[4]