பெரோஸ்பூர் மாவட்டம்
இந்தியப் பஞ்சாபில் உள்ள மாவட்டம் From Wikipedia, the free encyclopedia
Remove ads
பெரோஸ்பூர் மாவட்டம் (Firozpur district) வடமேற்கு இந்தியாவின் பஞ்சாப் மாநிலத்தின் 22 மாவட்டங்களில் ஒன்றாகும். இம்மாவட்டத் தலைமையிட நகரம் பெரோஸ்பூர் ஆகும். இம்மாவட்டத்தின் பாகிஸ்தான் எல்லைப்புறத்தில் அமைந்த உசைனிவாலா கிராமத்தில் இந்திய சுதந்திர போராட்ட வீரர்களான பகத்சிங், சுக்தேவ் தாப்பர் மற்றும் சிவரம் ராச்குரு ஆகியோரின் நினைவாக நிறுவப்பட்ட உசைனிவாலா தேசிய தியாகிகள் நினைவிடம் உள்ளது.[1]
.svg)
Remove ads
மக்கள் தொகையியல்
2011 ஆம் ஆண்டு இந்திய மக்கள் தொகை கணக்கெடுப்பின் படி இம்மாவட்டத்தின் மொத்த மக்கள் தொகை 2,026,831 ஆக உள்ளது.[2][3] கடந்த பத்தாண்டுகளில் (2001-2011) மக்கள் தொகை வளர்ச்சி விகிதம் 16.08% ஆக உயர்ந்துள்ளது. மக்கள் தொகையில் ஆண்களும் மற்றும் பெண்களும் உள்ளனர். பாலின விகிதம் ஆயிரம் ஆண்களுக்கு 893 பெண்கள் வீதம் உள்ளனர். 5305 சதுர கிலோ மீட்டர் பரப்பளவு கொண்ட இம்மாவட்டத்தின் மக்கள் தொகை அடர்த்தி ஒரு சதுர கிலோ மீட்டர் பரப்பளவில் 380 மக்கள் வாழ்கின்றனர். இம்மாவட்டத்தின் சராசரி படிப்பறிவு 69.80% ஆக உள்ளது.
மொழிகள்
பஞ்சாப் மாநிலத்தின் ஆட்சி மொழியான பஞ்சாபி மொழியுடன், இந்தி, உருது மற்றும் வட்டார மொழிகளும் இம்மாவட்டத்தில் பேசப்படுகிறது.
சமயம்
இம்மாவட்டத்தில் சீக்கியர்கள் 53.76%; இந்துக்கள் 44.67%; கிறித்தவர்கள் 0.95%; இசுலாமியர்கள் 0.28% ஆக உள்ளனர். பிற சமயத்தினர் குறைவாக உள்ளனர்.
Remove ads
மாவட்ட நிர்வாகம்
இம்மாவட்டம் பெரோஸ்பூர், சிரா, குரு ஹர் சகாய் என மூன்று வருவாய் வட்டங்களையும்; பெரோஸ்பூர், கால் கர்டு, குரு ஹர் சகாய், மாக்கு, மம்தோத், சிரா என ஆறு ஊராட்சி ஒன்றியங்களையும்; பெரோஷ்பூர், தல்வண்டி பாய், மாக்கு, குரு ஹர் சகாய், சிரா, மம்தோத், பெரோஷ்பூர் பாசறை நகரம், மல்லன்வாலா, மூட்கி, கால் கர்டு என பத்து நகராட்சிகளையும் கொண்டுள்ளது.
அரசியல்
இம்மாவட்டம் பெரோஸ்பூர், பெரோஸ்பூர் (கிராமப்புறம்), குரு ஹர் சகாய் மற்றும் சிரா என நான்கு சட்டமன்றத் தொகுதிகளைக் கொண்டுள்ளது.
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads