மணிவாழை

மணிவாழை அல்லது கல்வாழை எனத் தமிழில் அழைக்கப்படும் (canna lily) கன்னா வாழை இனத்தில் 10 வகையான பூக்கும் தாவரங்கள் உள்ளன.^[1] கன்னா, கன்னாசியே தாவரக் குடும்பத்திலுள்ள ஒரே சாதியாகும். மணிவாழைகளுக்கு நெருக்கமான வேறு தாவரங்கள், ஸிங்கிபெரேல்ஸ் வரிசையைச் சேர்ந்த இஞ்சிகள், வாழைகள், மராந்தாக்கள், ஹெலிகோனியாக்கள், ஸ்ட்ரெலிட்சியாக்கள் என்பனவாகும்.

மணிவாழை
மஞ்சள் நிற மணிவாழை
உயிரியல் வகைப்பாடு
திணை:	தாவரம்
பிரிவு:	மக்னோலியோபைட்டா
வகுப்பு:	லிலியோப்சிடா
வரிசை:	ஸிங்கிபெரேல்ஸ்
குடும்பம்:	கன்னாசியே
பேரினம்:	கன்னா

இந்த வகைச் செடிகள் பெரிய கவர்ச்சியான இலைகளைக் கொண்டன. தோட்டக் கலைஞர்கள் பிரகாசமான நிறங்களுடன் கூடிய இவற்றை அலங்காரத் தாவரமாகப் பயன்படுத்துகிறார்கள். அத்துடன் இவை உலகின் முக்கியமான மாப்பொருள் மூலமாகவுள்ள வேளாண்மைப் பயிரும் ஆகும்.