மருதநாயகம் (திரைப்படம்)

மருதநாயகம் 1997 ஆம் ஆண்டு தொடங்கப்பட்ட தமிழ்த் திரைப்படமாகும். நடிகர் கமல்ஹாசனின் இலட்சியத் திரைப்படமாக கருதப்பட்ட இத்திரைப்படம் பணச்சிக்கல்கள் காரணமாக தொடர்ந்து உருவாக்கப்படாத நிலையில் உள்ளது.

மருதநாயகம்
சுவரொட்டி
இயக்கம்	கமல்ஹாசன்
தயாரிப்பு	கமல்ஹாசன்
கதை	கமல்ஹாசன் சுஜாதா
இசை	இளையராஜா
நடிப்பு	கமல்ஹாசன் விஷ்ணுவர்தன் நாசர்
ஒளிப்பதிவு	சந்தோஷ் சிவன்
நாடு	இந்தியா
மொழி	தமிழ்

நடிகர்கள்

• கமல்ஹாசன்
• விஷ்ணுவர்தன்
• நாசர்
• சத்யராஜ்
• பசுபதி

தொடக்கமும் தாமதமும்

1997-ஆம் ஆண்டு கமல்ஹாசன் நடித்து, தயாரிக்க இருப்பதாக தொடங்கப்பட்ட படம் 'மருதநாயகம்'. அவரே இயக்குநர் பொறுப்பையும் ஏற்று இருந்தார். இப்படத்தின் தொடக்க விழாவில் இங்கிலாந்து ராணியான இரண்டாம் எலிசபெத் பங்கேற்றார். மிகப் பிரம்மாண்டமான முன்னோட்டக் காட்சிகள், தொடக்கவிழா என அனைவரையும் ஆச்சர்யத்தில் ஆழ்த்திய படம் 'மருதநாயகம்'.

நிதி நெருக்கடி காரணமக 'மருதநாயகம்' படம் கைவிடப்பட்டது. அதனைத் தொடர்ந்து கமல் அளித்த பல பேட்டிகளில் 'மருதநாயகம்' பற்றிய கேள்விக்கு "அப்படத்தின் பட்ஜெட்டிற்கு எந்த ஒரு தயாரிப்பாளராவது முன்வந்தால் மீண்டும் தொடங்கப்படும்" என்று கூறியிருந்தார்.

இசை

இப்படத்தின் இசையை இளையராசா அமைப்பதாக திட்டமிடப்பட்டிருந்தது. 2016 மார்ச்சு 4 அன்று இரவு இணையத்தில் இப்படத்திற்காக இளையராசா உருவாக்கிய பாடல் வெளியாகியது.^[1]