மாதிகா

மாதிகா (Madiga) இனத்தவர்கள் தெலுங்கானா மக்கள் தொகையில் 12% பேர் உள்ளனர்.^[1][2] தெலுங்கானாவில் பெரும்பான்மை இனத்தவர்கள் இவர்களே. மாதிகா இனத்தவர்கள் தாய் மொழி தெலுங்கு ஆகும்.^[3][4][5] இவர்கள் தங்களை அருந்ததியலூ என்று அழைப்பதையே பெருமைப்படுகிறார்கள்.^[6][7][8]

மாதிகா

குறிப்பிடத்தக்க மக்கள்தொகை கொண்ட பகுதிகள்
ஆந்திரப் பிரதேசம் மற்றும் தெலுங்கானா
மொழி(கள்)
தெலுங்கு
சமயங்கள்
இந்து
தொடர்புள்ள இனக்குழுக்கள்
அருந்ததியர், ஜம்புவுலு

தெலுங்கானா மாநில பட்டியல் இனத்தவர்கள் மக்கள் தொகையில் 61% பேர் மாதிகா இனத்தவர்கள் உள்ளனர்.^[9][10] அடுத்ததாக ஆந்திரா பட்டியல் இனத்தவர்கள் மக்கள் தொகையில் 42% பேர் மாதிகா இனத்தவர்கள் உள்ளனர். கர்நாடகாவிலும் தெலுங்கு பேசும் மாதிகா இனத்தவர்கள் வசிக்கின்றனர். ஆந்திரா மாநில எல்லையை ஒட்டிய கர்நாடகா மாவட்டங்களில் பெரும் அளவு தெலுங்கு பேசும் மாதிகா இனத்தவர்கள் வசிக்கின்றனர்^{[11] [12]}சென்னை மாகாணத்தில் 1881 மக்கள்தொகைக் கணக்கெடுப்பில் 130,386 பேர் மாதிகா இனத்தவர்கள் இருந்தனர்.^[13] 1931 கணக்கெடுப்பின்போது சென்னை மாகாணத்தில் 17,396 பேர் மாதிகா என்ற பெயரைப் புறக்கணித்துவிட்டு அருந்ததியர் என்ற பெயரிலேயே தங்களை பதிவு செய்தனர் ^[14].தற்போது ஜனார்த்தனன் குழு அறிக்கை (2008) படி தமிழகத்தில் மாதிகா இனத்தவர்கள் 5,103 பேர் உள்ளனர். அதாவது மாதிகா இனத்தை சேர்ந்த பெரும்பான்மையான மக்கள் மாதிகா என்ற பெயரைப் புறக்கணித்துவிட்டு தங்களை அருந்ததியர் என்ற பெயரிலேயே பதிவு செய்ததால் 2001-ஆம் ஆண்டு கணக்கெடுப்பில் 7,71,659 பேர் அருந்ததியர்கள் உள்ளனர் ^[15].அருந்ததியர் என்ற பெயர் 1920-ஆம் ஆண்டுக்குப்பின் உருவானது.

குறிப்பிடத்தக்க நபர்கள்

• கொனேரு ரங்கா ராவ் - ஆந்திரா மாநில முன்னாள் துணை முதல்வர் ^[16][17]

• தாமோதர் ராஜ நரசிம்ம - ஆந்திரா மாநில முன்னாள் துணை முதல்வர்^[18][19]

• டி. ராஜய்யா - தெலுங்கானா மாநில முன்னாள் துணை முதல்வர்^[20][21]

• கடியம் ஸ்ரீஹரி - தெலுங்கானா மாநில முன்னாள் துணை முதல்வர்^{[22] [23]}