மாஸ்டர் ஸ்ரீதர்

மாஸ்டர் ஸ்ரீதர் (Master Sridhar) என்று அழைக்கப்பட்ட ஸ்ரீதர் தமிழ் திரையுலகைச் சேர்ந்த ஒரு இந்திய நடிகர் ஆவார். இவர் சுமார் 150 படங்களில் நடித்துள்ளார். தமிழ் திரையுலகில் குழந்தை நட்சத்திரமாக அறிமுகமான இவர் பல திரைப்படங்களில் தனது குழந்தை கால நடிப்பிற்காக பிரபலமானார்.

மாஸ்டர் ஸ்ரீதர்
பிறப்பு	ஸ்ரீதர் 1953[1]
இறப்பு	11 திசம்பர் 2013(2013-12-11) (அகவை 50) [2] இந்தியா, தமிழ்நாடு, சென்னை
தேசியம்	இந்தியர்
மற்ற பெயர்கள்	மாஸ்டர் ஸ்ரீதர்
பணி	நடிகர்
வாழ்க்கைத் துணை	பேபி இந்திரா[2]
பிள்ளைகள்	பிரசாந்த் ரக்சித் பாலாஜி[3]
புகழ்ப்பட்டம்	கலைமாமணி விருது 2020 [4]

திரைப்பட வாழ்க்கை

குழந்தை நட்சத்திரமாக தனது வாழ்க்கையைத் தொடங்கிய ஸ்ரீதர், கந்தன் கருணை, கர்ணன், சுவாமி அய்யப்பன் உள்ளிட்ட பல படங்களில் நடித்தார். ஜெமினி கணேசன் மற்றும் கே. ஆர். விஜயா நடித்த கே.எஸ்.கோபாலகிருஷ்ணனின் குறத்தி மகன் படத்தில் நாயகனாகவும் நடித்தார். கந்தன் கருணை என்ற திரைப்படத்தில் முருகப்பெருமானாக நடித்ததன் மூலம் இவர் நன்கு அறியப்பட்டார். 

ஆதி பராசக்தி (ராஜ் தொலைக்காட்சி), ஞானானந்தம் (பொதிகை), இந்திரஜித் (ஜெயா தொலைக் காட்சி) ஆகியவை இவர் நடித்த சில தொடர்களாகும்.

தமிழில் இவர் கடைசியாக 2007 ஆம் ஆண்டு வெளியான பகவான் ஐயப்பன் என்ற திரைப்படத்தில் நடித்தார்.

குடும்பம்

ஸ்ரீதர் 70களில் பிரபலமான குழந்தை நட்சத்திரமாக இருந்த பேபி இந்திரா என்னும் இந்திராவை மணந்தார். இந்த இணையருக்கு பிரசாந்த் மற்றும் ரக்சித் பாலாஜி என்ற இரு மகன்கள் உள்ளனர். இவர் சென்னை கொட்டிவாக்கம் கற்பகாம்பாள் நகரில் தன் வீட்டில் குடும்பத்துடன் வசித்து வந்தார். இவருக்கு நீண்ட காலமாக இளைப்பு நோய் இருந்து வந்தது. 11 திசம்பர் 2013 அன்று காலை திடீர் மாரடைப்பு காரணமாக இறந்தார். ^[5]

பகுதி படத்தொகுப்பு

ஆண்டு	திரைப்படம்	மொழி	பங்கு	குறிப்புகள்
1966	மறக்க முடியுமா	தமிழ்
1967	ஸ்ரீ புரந்தர தாசரு	கன்னடம்
1964	கர்ணன்	தமிழ்	மேகநாதன்
1967	கந்தன் கருணை	தமிழ்	குழந்தை முருகன்
1967	சித்திரமேளா	மலையாளம்
1969	பல்லாத்த பகையன்	மலையாளம்
1970	நம்ம குழந்தைகள்	தமிழ்
1972	குறத்தி மகன்	தமிழ்
1974	பணத்துக்காக	தமிழ்	ரவி
1976	தசாவதாரம்	தமிழ்	இளவரசன் இலட்சுமணன்
1977	சிநேகம்	மலையாளம்
1982	குரோதம்	தமிழ்	சிவா
1986	நம்பினார் கெடுவதில்லை	தமிழ்
1987	முப்பெரும் தேவியர்	தமிழ்
1996	வெற்றி விநாயகர்	தமிழ்	நாரதர்