ரசிகப்பிரியா

ரசிகப்பிரியா கருநாடக இசையின் 72வது மேளகர்த்தா இராகம் ஆகும். அசம்பூர்ண மேளபத்ததியில் இந்த இராகத்திற்கு ரசமஞ்சரி என்று பெயர்.^[1][2]

இலக்கணம்

ரசிகப்பிரியா சுரங்கள் C யிலிருந்து தொடக்கம்

ஆரோகணம்:	ஸ ரி3 க3 ம2 ப த3 நி3 ஸ்
அவரோகணம்:	ஸ் நி3 த3 ப ம2 க3 ரி3 ஸ

• "ஆதித்ய" என்றழைக்கப்படும் 12ஆவது சக்கரத்தில் 6ஆவது மேளம்.
• இந்த இராகத்தில் ஷட்ஜம், ஷட்சுருதி ரிஷபம் (ரி₂), அந்தர காந்தாரம் (க₃), பிரதி மத்திமம் (ம₂), பஞ்சமம், ஷட்சுருதி தைவதம் (த₃), காகலி நிஷாதம் (நி₃) ஆகிய சுரங்கள் வருகின்றன.
• 36வது மேளமாகிய சலநாட்டையின் நேர் பிரதி மத்திம மேளம் ஆகும்.
• மூர்ச்சனாகாரக மேளம். இதன் காந்தார, நிஷாத மூர்ச்சனைகள் முறையே சிம்மேந்திரமத்திமம் (57), மாயாமாளவகௌளை (15) ஆகிய மேளங்களைத் தோற்றுவிக்கும்.

இசை வடிவங்கள்

• கிருதி : சிருங்கார ரசமஞ்சரிம் - ஏகம் - முத்துசுவாமி தீட்சிதர்.^[3]
• கிருதி : அருள் செய்யவேணும் - ஆதி - கோடீஸ்வர ஐயர்.
• கிருதி : ஆடிப்பாடி அருளைநாடி - ரூபகம் - சுத்தானந்த பாரதியார்.