ராஜசேகர் (நடிகர்)

ராஜசேகர் (19 ஆகத்து 1957 – 8 செப்டெம்பர் 2019) ஓர் இந்தியத் தமிழ்த் திரைப்பட இயக்குநரும், திரைப்பட, சின்னத்திரை நடிகரும் ஆவார். அத்துடன் திரைக்கதை எழுத்தாளராகவும், ஒளிப்பதிவாளராகவும் பணியாற்றியுள்ளார்.^[1][2]

ராஜசேகர்
இறப்பு	செப்டம்பர் 8. 2019 சென்னை, தமிழ்நாடு
பணி	ஒளிப்பதிவாளர், இயக்குநர், நடிகர்
செயற்பாட்டுக் காலம்	1981–2019
வாழ்க்கைத் துணை	சரண்யா (1986-89) தாரா

ஒளிப்பதிவாளர்

ராஜசேகர் சென்னை திரைப்படக் கல்லூரியில் சேர்ந்து ஒளிப்பதிவு பயிற்சி பெற்றார். உடன் பயின்ற இராபர்ட் ஆசீர்வாதம் என்பவருடன் இணைந்து ஜெயபாரதியின் இயக்கத்தில் 1979 இல் வெளிவந்த குடிசை திரைப்படத்துக்கு ஒளிப்பதிவு செய்தார்.

இருவரும் இணைந்து ஒளிப்பதிவு செய்த திரைப்படங்கள்:

• குடிசை
• ஒரு தலை ராகம்
• ஆகாய கங்கை

இயக்குநர்

பின்னர் இராபர்ட்டுடன் இணைந்து சுஹாசினி நடிப்பில் 1981 இல் வெளிவந்த பாலைவனச்சோலை திரைப்படத்தை இயக்கினார். இப்படம் பெரும் வெற்றியளித்தது.^[1][2]

இருவரும் இணைந்து இயக்கிய திரைப்படங்கள்:

• பாலைவனச்சோலை (1981)
• கல்யாணக் காலம் (1982)
• தூரம் அதிகமில்லை (1983)
• புதிய சரித்திரம்
• பறவைகள் பலவிதம்
• சின்னபூவே மெல்லபேசு (1987)
• மனசுக்குள் மத்தாப்பூ (1988)
• தூரத்துப் பச்சை

திரைக்கதை எழுத்தாளர்

• வேலும் மயிலும் துணை (1979), திரைக்கதை
• சின்னபூவே மெல்லபேசு (1987), திரைக்கதை
• மனசுக்குள் மத்தாப்பூ (1988), திரைக்கதை, வசனம்
• பார்வைகள் பலவிதம் (1988), வசனம்
• பாலைவனச் சோலை, திரைக்கதை

நடிகர்

• நிழல்கள் (1980)
• தமிழன்
• நரசிம்மா

சின்னத்திரை நடிகர்

• சரவணன் மீனாட்சி
• தென்றல்

தனிப்பட்ட வாழ்க்கை

மனசுக்குள் மத்தாப்பூ படத்தில் டாக்டர் கீதா என்ற பாத்திரத்தில் நடித்த சரண்யாவை மணந்துகொண்டார். அந்த மணவாழ்வு நீடிக்காமல் மணமுறிவு ஏற்பட்டது. பின்னர் தாரா என்பவரை மணந்து தன் இறுதி காலம்வரை அவருடன் வாழ்ந்தார்.^[3] சில நாட்களாக உடல் நலக் குறைபாட்டால், சென்னை இராமச்சந்திரா மருத்துவமனையில் சிகிச்சை பெற்று வந்த ராஜசேகர் 2019 செப்டம்பர் 8 ஞாயிற்றுக்கிழமை காலமானார்.^[1][2]