ரியா

ரியா என்பவர் கிரேக்கத் தொன்மவியலில் கூறப்படும் யுரேனசு மற்றும் கையாவின் பிள்ளைகளான பன்னிரு டைட்டன்களுள் ஒருவர் ஆவார். இவர் குரோனசின் சகோதரியும் மனைவியும் ஆவார். இவரே முக்கியமான ஆறு ஒலிம்பியர்களின் தாய் ஆவார். அதனால் இவரை கடவுள்களின் தாய் என்று அழைக்கின்றனர். சனிக்கோளின் இரண்டாவது பெரிய நிலவிற்கு இவர் பெயரே சூட்டப்பட்டுள்ளது.

ரியா
துணி சுற்றிய கல்லை குழந்தை என்று குரோனசிடம் கொடுக்கும் ரியா
அதிபதி	பெண்மை , தாய்மை மற்றும் தலைமுறை ஆகியவற்றின் டைட்டன் கடவுள்
இடம்	சிபெல் மலை
துணை	குரோனசு
பெற்றோர்கள்	யுரேனசு மற்றும் கையா
குழந்தைகள்	சியுசு, ஏடிசு, பொசைடன், எரா, டிமிடர், எசுடியா

தொன்மவியல்

ஈசியோடின் தியோகோனி நூலின் படி குரோனசு-ரியா தம்பதிக்கு எசுடியா, டிமிடர், எரா, ஏடிசு, பொசைடன் மற்றும் சியுசு என்ற வரிசையில் ஆறு குழந்தைகள் பிறந்தனர்.^[1] தன் பிள்ளைகளால் தனக்கு அழிவு வரும் என்பதை குரோனசு தன் பெற்றோரான யுரேனசு மற்றும் கயாவின் மூலம் அறிந்து கொண்டார். அதனால் குரோனசு தனக்கு பிறக்கும் குழந்தைகளை உடனே விழுங்கிவிடுகிறார். கடைசிக் குழந்தையான சியுசை காபாபற்ற நினைத்த ரியா துணி சுற்றிய கல்லைக் குழந்தை என்று கூறி குரோனசை ஏமாற்றிவிடுகிறார். பிறகு கிரீட் தீவில் உள்ள இடா மலைச்சிகரத்தின் குகையில் சியுசை மறைத்து வைத்தார் ரேயா. அதன் பிறகு அக்குழந்தையை கையா வளர்த்ததாகக் கூறப்படுகிறது.

வம்சாவளி