இட்ரியம்(III) நைட்ரேட்டு

இட்ரியம்(III) நைட்ரேட்டு (Yttrium(III) nitrate) என்பது Y(NO₃)₃ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். அறுநீரேற்றான இச்சேர்மம் வர்த்தக முறையில் மிகப்பொதுவாகக் கிடைக்கிறது.

இட்ரியம்(III) நைட்ரேட்டு

பெயர்கள்
வேறு பெயர்கள் இட்ரியம் நைட்ரேட்டு
இனங்காட்டிகள்
சிஏஎசு எண்	10361-93-0 Y 13494-98-9 Y
EC number	233-802-6
InChI InChI=1S/3NO3.Y/c3*2-1(3)4;/q3*-1;+3 Key: BXJPTTGFESFXJU-UHFFFAOYSA-N
யேமல் -3D படிமங்கள்	Image
பப்கெம்	159283 166833
SMILES [N+](=O)([O-])[O-].[N+](=O)([O-])[O-].[N+](=O)([O-])[O-].[Y+3]
UNII	0XR81865O4
பண்புகள்
மூலக்கூறு வாய்பாடு	Y(NO3)3
வாய்ப்பாட்டு எடை	274.927
தோற்றம்	நிறமற்ற படிகங்கள்
நீரில் கரைதிறன்	கரையும்
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

தயாரிப்பு

தொடர்புடைய உலோக ஆக்சைடை 6 மோல்/லிட்டர் நைட்ரிக் அமிலத்தில் கரைத்து இட்ரியம்(III) நைட்ரேட்டை தயாரிக்க முடியும் :^[1]

Y₂O₃ + 6 HNO₃ → 2 Y(NO₃)₃ + 3 H₂O.

பண்புகள்

மிகத் தாழ்வான வெப்பநிலையில் இட்ரியம்(III) நைட்ரேட்டு அறுநீரேற்று படிகமாக்கப்பட்ட நீரை இழக்கிறது. தொடர்ந்து அதை சூடாக்கும்போது அடிப்படை உப்பான YONO3 உருவாகிறது ^[2]. 600 பாகை வெப்பநிலையில் இந்த வெப்பசிதைவு நிறைவு அடைந்து இறுதியாக Y2O3 உருவாகிறது ^[3]. டிரைபியூட்டைல் பாசுபேட்டு ஒரு பிரித்தெடுக்கும் கரைப்பானாக பயன்படுத்தும் போது Y(NO3)3•3 டிரைபியூட்டைல் பாசுபேட்டு உருவாகிறது ^[4].

பயன்கள்

Y³⁺ நேர்மின் அயனியை தயாரிக்க உதவும் மூலமாக இட்ரியம்(III) நைட்ரேட்டு பிரதானமாகப் பயன்படுகிறது. Y₄Al₂O₉ ^[3] YBa₂Cu₃O_6.5+x ^[2] போன்ற சில இட்ரியம் சேர்ந்துள்ள சேர்மங்களை தயாரிக்க உதவும் முன்னோடிச் சேர்மமாக இது பயன்படுகிறது. மேலும் இட்ரியம் அடிப்படையிலான உலோக கரிமக் கட்டமைப்புகள் உருவாக்கவும் இது பயனாகிறது ^[5]. கரிமத் தொகுப்பு வினைகளில் ஒரு வினையூக்கியாகவும் இட்ரியம்(III) நைட்ரேட்டு பயன்படுகிறது ^[6].