கழலை நசிவுக்காரணி

கழலை நசிவுக்காரணிகள் (Tumor necrosis factors) [அல்லது கழலை நசிவுக்காரணி குடும்பம் (TNF family)] என்பவை உயிரணுக்களின் உயிரிழப்பை (உயிரணு தன்மடிவு; apoptosis) விளைவிக்கக் கூடிய சைட்டோகைன் (உயிரணு தொடர்பி-செயலூக்கி) களின் குழுமத்தைக் குறிக்கும். இக்குடும்பத்தின் முதல் இரண்டு உறுப்பினர்களாகக் கண்டறியப்பட்டவை:

• கழலை நசிவுக்காரணி-ஆல்ஃபா (TNFα), இப்பிரிவின் நன்கு அறியப்பட்ட உறுப்பினராகும். ஒற்றைக் குழியத்தால் உருவாக்கப்படுகிற உயிரணு நச்சான கழலை நசிவுக் காரணியானது புற்றுக் கட்டி தேய்வு (tumor regression), நச்சூட்டு அதிர்ச்சி (septic shock), உடல் மெலிவுச் சீர்கேடு (cachexia) ஆகியவற்றில் உள்ளார்ந்தவையாகக் கருதப்படுகிறது^[3][4]. இப்புரதமானது முழுமையடைந்த, சுரக்கப்படுகிற சைட்டோகைனில் காணப்படாத அசாதாரண நீளத்துடன், பிறழ்வான சமிக்ஞை வரிசையினைக் கொண்ட முன்-வளரூக்கியாக முதலில் ஆக்கப்படுகிறது^[5]. சிறிய நீர்விலக்கும் அமினோ அமிலங்களின் நீட்சியானது கொழுமிய ஈரடுக்குகளில் இந்த முன்-வளரூக்கி நிலைகொள்ள உதவுகிறது^[6]. முன்-புரதக்கூறு துணிக்கப்பட்ட பிறகு, முழுமையடைந்த புரதமும், பகுதியாக முறைப்படுத்தப்பட்ட வளரூக்கியும் சுரக்கின்றன^[6].
• நிணநச்சு-ஆல்ஃபா (முன்பு கழலை நசிவுக்காரணி- பீட்டாவாகக் அழைக்கப்பட்டது), இன்டெர்லியூகின் (வெள்ளையணு தொடர்பி-செயலூக்கி)- 10 ஆல் கட்டுப்படுத்தப்படுகிற சைட்டோகைனாகும்^[7].

சுண்டெலி கழலை நசிவுக்காரணி-ஆல்ஃபாவின் முப்படி வடிவம் (1.4 Å நுணுக்கம்). வெவ்வேறு வண்ணங்கள் வெவ்வேறு ஒற்றைப்படிகளைக் குறிகின்றது^[1].

TNF
கழலை நசிவுக்காரணி தொடர்புடைய உயிரணு இறப்பைத் தூண்டும் அணைவி:செல் இறப்பு ஏற்பியின் செல்புற திரளம் ஆகியவற்றின் படிக வடிவம் (TRAIL-sdr5)[2].
அடையாளங்கள்
குறியீடு	TNF
Pfam	PF00229
Pfam clan	CL0100
InterPro	IPR006052
PROSITE	PDOC00561
SCOP	1tnr
Available protein structures: Pfam structures PDB RCSB PDB; PDBe PDBsum structure summary