குடிவாடா அமர்நாத்

குடிவாடா அமர்நாத் (Gudivada Amarnath)(பிறப்பு 1985/1986)^[1] என்பவர் ஆந்திரப் பிரதேச மாநிலத்தைச் சேர்ந்த இந்திய அரசியல்வாதியும் சட்டமன்ற உறுப்பினரும் ஆவார். இவர் ஒய். எஸ். ஆர். காங்கிரசு கட்சியின் சார்பில்ஆந்திரப் பிரதேச சட்டமன்றத்திற்கு 2019-ல் நடைபெற்ற தேர்தலில் அனகாபல்லி சட்டமன்றத் தொகுதியில் போட்டியிட்டுசட்டமன்ற உறுப்பினராகத் தேர்ந்தெடுக்கப்பட்டார்.^[2][3]

குடிவாடா அமர்நாத் Gudivada Amarnath
தொழில்துறை, உள்கட்டமைப்பு, தொழிலக, முதலீடு, வணிவகவியல் துறை அமைச்சர், ஆந்திரப் பிரதேச அரசு
பதவியில் உள்ளார்
பதவியில் 11 ஏப்ரல் 2022
முன்னையவர்	மேகபதி கவுதம் ரெட்டி
ஆந்திரப் பிரதேச சட்டமன்றம்
பதவியில் உள்ளார்
பதவியில் 2019
தொகுதி	அனகாபல்லி சட்டமன்றத் தொகுதி
தனிப்பட்ட விவரங்கள்
பிறப்பு	1985/1986 (அகவை 39–40)
அரசியல் கட்சி	ஒய். எஸ். ஆர். காங்கிரஸ் கட்சி (2014–முதல்)
பிற அரசியல் தொடர்புகள்	இந்திய தேசிய காங்கிரசு தெலுங்கு தேசம் கட்சி (2014 வரை)
பெற்றோர்	குடிவாடா குருநாத ராவ் (தந்தை) குடிவாடா நாகமணி (தாய்)
வாழிடம்	அனகாபள்ளி மண்டலம், விசாகப்பட்டினம், ஆந்திரப்பிரதேசம், இந்தியா
பணி	அரசியல்வாதி

ஆரம்ப கால வாழ்க்கை

குடிவாடா அமர்நாத், முன்னாள் அரசியல்வாதியும், அனகப்பல்லி மக்களவைத் தொகுதியின் நாடாளுமன்ற உறுப்பினருமான குடிவாடா குருநாத ராவ் மற்றும் நாகமணி ஆகியோரின் மகனாவார்.^[1][4] இவர் பொறியியல் பட்டதாரி ஆவார்.^[5]

தொழில்

குடிவாடா அமர்நாத் மற்றும் அவரது தாயார் நாகமணி ஆகியோர் இந்தியத் தேசிய காங்கிரசில் உறுப்பினர்களாக இருந்தனர். தந்தையின் மறைவுக்குப் பிறகு காங்கிரசிலிருந்து விலகி தெலுங்கு தேசம் கட்சியில் சேர்ந்தனர். மார்ச் 2014-ல், இவர்கள் இருவரும் தெலுங்கு தேசம் கட்சியிலிருந்து விலகி ஒய். எஸ். ஆர். காங்கிரசு கட்சியில் சேர்ந்தனர்.^[4]