சமாரியம்(III) நைட்ரேட்டு

சமாரியம்(III) நைட்ரேட்டு (Samarium(III) nitrate) என்பது Sm(NO₃)₃ என்ற மூலக்கூற்று வாய்ப்பாட்டால் விவரிக்கப்படும் ஒரு கனிம வேதியியல் சேர்மமாகும். வெண்மயான நிறத்தில் நெடியற்று ஓர் அறுநீரேற்றாக இவ்வுப்பு உருவாகிறது. 50 பாகை செல்சியசு வெப்பநிலையில் சிதைவடைந்து நீரிலி நிலையை அடைகிறது. 78 பாகை செல்சியசு வெப்பநிலையில் இது உருகத் தொடங்குகிறது.^[1] தொடர்ந்து 420 பாகை செல்சியசு வரை சூடேற்றினால் ஆக்சிநைட்ரேட்டாக மாற்றமடைகிறது. 680 பாகை செல்சியசு வெப்பநிலையை அடையும்போது சமாரியம்(III) ஆக்சைடாக சிதைவடைகிறது.^[2]

சமாரியம்(III) நைட்ரேட்டு
Samarium(III) nitrate

பெயர்கள்
வேறு பெயர்கள் சமாரியம் முந்நைட்ரேட்டு
இனங்காட்டிகள்
சிஏஎசு எண்	13759-83-6
ChemSpider	23541
EC number	233-798-6
InChI InChI=1S/3NO3.6H2O.Sm/c3*2-1(3)4;;;;;;;/h;;;6*1H2;/q3*-1;;;;;;;+3
யேமல் -3D படிமங்கள்	Image
பப்கெம்	25205
SMILES [Sm+3].[H]O[H].[H]O[H].[H]O[H].[H]O[H].[H]O[H].[H]O[H].[O-][N+]([O-])=O.[O-][N+]([O-])=O.[O-][N+]([O-])=O
பண்புகள்
மூலக்கூறு வாய்பாடு	Sm(NO3)3
வாய்ப்பாட்டு எடை	336.4 கி/மோல்
தோற்றம்	இலேசான பழுப்பு
மணம்	நெடியற்றது
உருகுநிலை	78 °C (172 °F; 351 K)[1]
கொதிநிலை	420 °C (788 °F; 693 K)[2] (சிதைவு)
நீரில் கரைதிறன்	கரையும்[1]
தீங்குகள்
GHS pictograms
GHS signal word	அபாயம்
en:GHS hazard statements	H272, H315, H318, H319, H335, H400, H410
en:GHS precautionary statements	P210, P220, P221, P261, P264, P271, P273, P280, P302+352, P304+340, P305+351+338, P310, P312, P321
மாறுதலாக ஏதும் சொல்லவில்லை என்றால் கொடுக்கப்பட்ட தரவுகள் யாவும் பொருள்கள் அவைகளின் இயல்பான வெப்ப அழுத்த நிலையில் (25°C, 100kPa) இருக்கும். வார்ப்புரு மேற்கோள்கள்

பயன்கள்

சமாரியம்(III) நைட்ரேட்டு என்பது ஓர் இலூயிசு அமில வினையூக்கி ஆகும். நைட்ரேட்டு முன்னோடி கரைசலை உருவாக்க பயன்படுகிறது. திட ஆக்சைடு மறு உற்பத்தி எரிபொருள் கலங்களில் சமாரியம்(III) நைட்ரேட்டு மீவினையூக்கியாக பயன்படுத்தப்படுகிறது. சமாரியம்(III) நைட்ரேட்டுடன் அறுநீரேற்று, இசுட்ரோன்சியம் நைட்ரேட்டு, கோபால்ட்(II) நைட்ரேட்டு அறுநீரேற்று ஆகியவற்றைக் கலந்து மீவினையூக்கி தயாரிக்கப்படுகிறது.^[3]

சமாரியம்(III) நைட்ரேட்டு சமாரியம் கலந்த சீரியா தயாரிப்பதற்கும் பயன்படுத்தப்படுகிறது. எரிபொருள் கலங்களுக்கான மின்பகுளிகள் தயாரிப்பதில் சமாரியக் கலப்பு சீரியா பயன்படுத்தப்படுகிறது. 200 பாகை செல்சியசு வெப்பநிலையில் சீரியம்(III) நைட்ரேட்டுடன் சமாரியம்(III) நைட்ரேட்டை ஒன்றாகக் கலந்து மூவெத்திலீன் கிளைக்கால் கரைப்பானில் கரைத்து 5 மணி நேர வினைக்குப் பின் சமாரியக் கலப்பு சீரியா தயாரிக்கப்படுகிறது. 110 பாகை செல்சியசு வெப்பநிலையில் நான்கு மணி நேரத்திற்கு உலர்த்தி பின்னர் இதை மீண்டும் இரண்டு மணி நேரத்திற்கு 500 பாகை செல்சியசு வெப்பநிலைக்கு சூடாக்கினால் சமாரியக் கலப்பு சீரியா கிடைக்கிறது.^[4]