தஞ்சோங் மாலிம்-சிலிம் ரிவர் நெடுஞ்சாலை

தஞ்சோங் மாலிம்-சிலிம் ரிவர் நெடுஞ்சாலை அல்லது கூட்டரசு சாலை 1 (மலேசியா) ; (ஆங்கிலம்: Tanjung Malim–Slim River Highway அல்லது Malaysia Federal Route 1; மலாய்: Lebuhraya Tanjung Malim–Slim River) என்பது மலேசியா, பேராக் - சிலாங்கூர் மாநிலங்களில் முக்கியமான நெடுஞ்சாலை ஆகும்.

தஞ்சோங் மாலிம்-சிலிம் ரிவர் நெடுஞ்சாலை Tanjung Malim–Slim River Highway
மலேசியக் கூட்டரசு சாலை 1 (பகுதி) Part of Federal Route 1
வழித்தடத் தகவல்கள்
நீளம்:	20 km (12 mi)
முக்கிய சந்திப்புகள்
வடக்கு முடிவு:	சிலிம் ரிவர்
	JKR(A) 121 சிலிம் சாலை (Jalan Slim) பேராங்-தஞ்சோங் மாலிம் நெடுஞ்சாலை (Behrang–Tanjung Malim Highway) புரட்டோன் நகர் நெடுஞ்சாலை Proton City Highway AH2 வடக்கு-தெற்கு விரைவுச்சாலை வடக்கு வழித்தடம் North–South Expressway Northern Route
தெற்கு முடிவு:	தஞ்சோங் மாலிம்
அமைவிடம்
முதன்மை இலக்குகள்:	ஈப்போ சிலிம் ரிவர் பேராங் சபாக் பெர்ணம் கோலாலம்பூர்
நெடுஞ்சாலை அமைப்பு
மலேசிய நெடுஞ்சாலைகள் விரைவுச் சாலை கூட்டரசு மாநிலம்

மலேசியாவின் முதல் சுங்கச் சாவடி நெடுஞ்சாலையான இந்த நெடுஞ்சாலை; 1966-ஆம் ஆண்டில் உருவாக்கப்பட்ட மிகப் பழமையான நெடுஞ்சாலையாகவும் புகழ்பெற்றது. தஞ்சோங் மாலிம் - சிலிம் ரிவர் பழைய பாதை 33 கி.மீ. நீளம் கொண்டது. அத்துடன் ஒரு காட்டுப் பகுதியில் குன்று பகுதிகளில் ஊடுருவிச் சென்றது.^[1]

பொது

இந்தச் சாலை 1966-ஆம் ஆண்டு சுங்கச்சாவடியாக மேம்படுத்தப்பட்டு, அதே ஆண்டில் போக்குவரத்துக்கு திறக்கப்பட்டது. 1966-ஆம் ஆண்டு மார்ச் 16-ஆம் தேதி காலை 6 மணிக்கு கட்டண வசூல் தொடங்கியது. கார்களுக்கு 50 காசு, பேருந்துகள் மற்றும் லாரிகளுக்கு RM1 மற்றும் மோட்டார் சைக்கிள்களுக்கு 20 காசு கட்டணம் வசூலிக்கப்பட்டது.^[2]

1994-ஆம் ஆண்டில், வடக்கு-தெற்கு விரைவுச்சாலை திறக்கப்பட்டதும், தஞ்சோங் மாலிம்-சிலிம் ரிவர் நெடுஞ்சாலையின் சுங்கச்சாவடி அகற்றப்பட்டு, கட்டணமில்லா நெடுஞ்சாலையாக மாற்றப்பட்டது.^[2]

மேலும் பார்க்க

மலேசிய விரைவுச்சாலை முறைமை