பாக்கார் பத்து

பாக்கார் பத்து (ஆங்கிலம்: Bakar Batu; மலாய்: Kampung Bakar Batu, Tebrau; சீனம்: 峇卡峇都; ஜாவி: باكار باتو) என்பது மலேசியா, ஜொகூர் மாநிலத்தில், ஜொகூர் பாரு மாவட்டத்தில் அமைந்து உள்ள ஒரு கிராமப் பகுதியாகும்.^[1]

பாக்கார் பத்து Bakar Batu
நகரம்
பாக்கார் பத்து
ஆள்கூறுகள்: 1°30′1″N 103°46′45″E
நாடு	மலேசியா
மாநிலம்	ஜொகூர்
மாவட்டம்	ஜொகூர் பாரு
நேர வலயம்	ஒசநே+8 (மலேசிய நேரம்)
• கோடை (பசேநே)	பயன்பாடு இல்லை
மலேசிய தொலைபேசி எண்கள்	+6-07
மலேசிய பதிவெண்கள்	J

இந்தப் பாக்கார் பத்து கிராமம், ஜொகூர் மாநிலத்தில் பழம்பெரும் வரலாற்றைக் கொண்டது. கம்போங் மலாயு மஜீடி (Kampung Melayu Majidee); தாமான் செந்தோசா; பெர்மாஸ் ஜெயா (Permas Jaya); ஆகிய புறநகர்க் குடியிருப்புப் பகுதிகளுக்கு இடையில் அமைந்து உள்ளது.

வரலாறு

பாக்கார் பத்து கிராமத்தில் முதலில் மலாய்க்காரர்களும் ஜாவானியர்களும் குடியேறினார்கள். 19 - 20-ஆம் நூற்றாண்டுகளில் அப்போதைய சுல்தான் இப்ராகிம் (Sultan Ibrahim Sir Abu Bakar) அவர்களுக்குச் சொந்தமான ரப்பர் தோட்டங்களில் பணிபுரிந்தனர்.

மலாய்க்காரர்களும் ஜாவானியர்களும் ரப்பர் தோட்டங்களில் பல வருடங்கள் பணிபுரிந்தனர். அதன் பிறகு, புறநகர்ப் பகுதியில் அவர்கள் தங்குவதற்கு ஓர் இடத்தைக் கண்டுபிடித்தனர். அந்த இடம் அப்போது தெப்ராவ் பக்கார் பத்து என்று அழைக்கப்பட்டது. 1915-ஆம் ஆண்டில் குடியேறியவர்களுக்கு நில உரிமைச் சான்றிதழ்கள் வழங்கப்பட்டன.

அந்தப் பாக்கார் பத்து கிராமம், இப்போது பாசிர் பெலாங்கி, தாமான் இஸ்கந்தர், தாமான் செந்தோசா, பெர்மாஸ் ஜெயா போன்ற பல வீட்டு மனை குடியிருப்புகளால் சூழப்பட்டு உள்ளது.