புனே பொறியியல் கல்லூரி

புனே பொறியியல் கல்லூரி (College of Engineering Pune (COEP), இந்தியாவின் மகாராட்டிரா]] மாநிலத்தின் புனே நகரத்தின் மையப்பகுதியான சிவாஜி நகரில் 36.81 ஏக்கர் பரப்பளவில் அமைந்துள்ளது. இப்பொறியியல் கல்லூரி புனே பல்கலைக்கழகத்தின் உறுப்புக் கல்லூரியாகும். கிண்டி பொறியியல் கல்லூரி (1794) மற்றும் இந்திய தொழில்நுட்பக் கழகம் ரூர்க்கி (1847)-க்கு அடுத்து பிரித்தானிய இந்தியாவில் 1854-இல் துவக்கப்பட்ட மூன்றாவது பொறியியல் கல்லூரி இதுவாகும்.^[2][3][4] இக்கல்லூரி வளாகத்தை 2003-இல் மகாராட்டிரா அரசு பாரம்பரிய வளாகமாக அறிவித்துள்ளது.^[5]

கல்லூரியின் நிர்வாகப் பிரிவு கட்டிடம்

கல்லூரியின் அடிக்கல்

புனே பொறியியல் கல்லூரி

குறிக்கோளுரை	Strength Truth Endurance Ethics Reverence வலிமை உண்மை பொறையுடைமை நெறிமுறை மரியாதை
வகை	கல்லூரி
உருவாக்கம்	1854
தலைவர்	விஜய் பட்கர்[1]
பணிப்பாளர்	முனைவர். பி பி அகுஜா
கல்வி பணியாளர்	20[1]
நிருவாகப் பணியாளர்	400
மாணவர்கள்	3,800
பட்ட மாணவர்கள்	2,800[1]
பட்டப்பின் படிப்பு மாணவர்கள்	1000
அமைவிடம்	வெல்லஸ்லி சாலை சிவாஜி நகர் புனே 411 005 , புனே , மகாராட்டிரா , இந்தியா
வளாகம்	36.81 ஏக்கர்
இணையதளம்	www.coep.org.in

மாணவர் சேர்க்கை

இளநிலைப் பட்டப் படிப்புகள்

மகாராட்டிரா மாநில பொது நுழைவுத் தேர்வு மற்றும் தகுதி அடிப்படையில் இளநிலைப் படிப்புகளில் (B. E) மாணவர் சேர்க்கை நடைபெற்றது.^[6][7][8]

தற்போது மகாராட்டிர மாநிலப் பொது நுழைவுத் தேர்வு வாரியத்தின் போட்டித் தேர்வுகளின் மதிப்பெண் மற்றும் + 2 அறிவியல் பாடங்களில் பெற்ற மதிப்பெண்கள் அடிப்படையில் மாணவர் சேர்க்கை நடைபெறுகிறது. மாணவர் சேர்க்கையின் இட ஒதுக்கீடு முறையும் கடைபிடிக்கப்படுகிறது.^[9]

முதுநிலை பட்டப்படிப்பு மற்றும் முனைவர் படிப்புகள்

பொறியியல் பட்டதாரி தகுதித் தேர்வு மூலம் முதுநிலை தொழில்நுட்ப (M.Tech) படிப்பில் மாணவர் சேர்க்கை நடைபெறுகிறது. மேலும் பொறியியலில் பல்துறையில் ஆய்வுப் படிப்பில் முனைவர் பட்டங்கள் வழங்குகிறது.^[10] பயன்பாட்டுச் சுற்றுச் சூழழியல் மற்றும் பயன்பாட்டு வேதியியல் துறைகளில் ஆய்வு முனைவர் படிப்புகள் உள்ளது.