பொய்கைநல்லூர் நந்திநாதேசுவரர் கோயில்

பொய்கைநல்லூர் நந்திநாதேசுவரர் கோயில் என்பது தமிழ்நாடு மாநிலத்தின் நாகப்பட்டினம் மாவட்டத்தில் உள்ள ஒரு தேவார வைப்புத்தலமாகும்.^[1]

பொய்கைநல்லூர் நந்திநாதேசுவரர் கோயில்
பொய்கைநல்லூர் நந்திநாதேசுவரர் கோயில் நந்திநாதேசுவரர் கோயில், வடக்குப் பொய்கைநல்லூர், நாகப்பட்டினம், தமிழ்நாடு
ஆள்கூறுகள்:	10.7332°N 79.8403°E / 10.7332; 79.8403
அமைவிடம்
நாடு:	இந்தியா
மாநிலம்:	தமிழ்நாடு
மாவட்டம்:	நாகப்பட்டினம்
அமைவிடம்:	வடக்குப் பொய்கைநல்லூர்
சட்டமன்றத் தொகுதி:	நாகப்பட்டினம்
மக்களவைத் தொகுதி:	நாகப்பட்டினம்
ஏற்றம்:	41.01 m (135 அடி)
கோயில் தகவல்
மூலவர்:	நந்திநாதேசுவரர்
தாயார்:	சௌந்தர நாயகி
சிறப்புத் திருவிழாக்கள்:	மகா சிவராத்திரி
கட்டிடக்கலையும் பண்பாடும்
கட்டடக்கலை வடிவமைப்பு:	திராவிடக் கட்டிடக்கலை
கோயில்களின் எண்ணிக்கை:	ஒன்று

அமைவிடம்

பொய்யூர் என்று வழங்கப்படும் இவ்வூர் வடக்குப் பொய்கைநல்லூர், தெற்குப் பொய்கைநல்லூர் என்று இரண்டாக உள்ளது. நாகப்பட்டினம் பழைய பேருந்து நிலையத்திலிருந்து ஈச்சங்குப்பம்-அக்கரப்பேட்டை வழியாக வேளாங்கண்ணி செல்லும் சாலையில் 6 கி.மீ. தொலைவில் உள்ள வடக்குப் பொய்கைநல்லூரில் கோயில் உள்ளது.

இறைவன்,இறைவி

இக்கோயிலில் உள்ள இறைவன் நந்திநாதேசுவரர் ஆவார். இறைவி சௌந்தரநாயகி ஆவார்.^[1]

பிற சன்னதிகள்

திருச்சுற்றில் விநாயகர், சுப்பிரமணியர், மகாலட்சுமி, பைரவர், சூரியன், சந்திரன் சன்னதிகள் உள்ளன. மூலவர் சன்னதியின் வலது புறத்தில் இறைவி சன்னதி உள்ளது.^[1]