Дарбанд

Дарбáнд (то 14 майи 1999 шаҳраки Комсомолобод) — шаҳрак, маркази маъмурии ҷамоати шаҳраки Дарбанд ва маркази маъмурии ноҳияи Нурободи Ҷумҳурии Тоҷикистон

Шаҳрак
Дарбанд
Кишвар	Тоҷикистон
Вилоят	НТҶ
Ноҳия	Ноҳияи Нуробод
Шаҳрак	Дарбанд
Таърих ва ҷуғрофиё
Минтақаи замонӣ	UTC+5:00
Аҳолӣ
Аҳолӣ	2800[1] тан (2022)
Миллият	тоҷикон
Эътиқодот	мусулмонони ҳанафимазҳаб
Забони расмӣ	тоҷикӣ
Пешшумораи телефон	+992 31 33
Парвандаҳо дар Викианбор

Ҷуғрофиё ва аҳолӣ

Аз Дарбанд то шаҳри Душанбе 157 км; роҳ – асфалтпӯш. Аҳолиаш 1849 нафар (январи 2017).

Аҳолӣ

сол	2014	2015	2017	2019	2020	2021	2022
шумора (ҳаз. нафар)	1,1	↗1,2	↗1,849	↘1,3	1,3	↗2,7	↗2,8

Тақсимоти маъмурӣ

Шаҳрак аз 7 маҳалла иборат аст.

Маориф, фарҳанг ва саломатӣ

Дарбанд муассисаи таҳсилоти миёнаи умумӣ, беморхонаи марказӣ, дармонгоҳ, варзишгоҳи замонавӣ (дорои 5 ҳазор ҷои нишаст), клуб, дорухона, 18 нуқтаи савдои хусусӣ, маркази назорати беҳдошт (санитарию эпидемиологӣ), нуқтаҳои хидмати маишӣ, бозори замонавӣ, масҷиди панҷвақта, 2 хатти оби ошомиданӣ, корхонаи обтозакунӣ, боғчаи бачагон, чойхона, ошхона, китобхона, коллеҷи муҳандисӣ-техникӣ, ҷамъияти матлубот, шуъбаи корҳои дохилӣ, шуъбаи амният, суд, прокуратура, идораи байторӣ, муассисаи давлатии нигаҳдории роҳҳои автомобилгард, ситоди ҳолатҳои фавқулода, идораи кишоварзӣ, комиссариати ҳарбӣ, шуъбаи маориф, муассисаи серсоҳаи хоҷагии манзилӣ-коммуналӣ^[ru], шуъбаи нозироти андоз, шуъбаи омор, сабти асноди ҳолати шаҳрвандӣ ва филиали бонкҳо дорад. Дар Дарбанд 22 омӯзгор (15 нафар соҳиби маълумоти олӣ) ва 42 духтур (18 нафар соҳиби маълумоти олии тиббӣ) фаъолият доранд. Соҳаҳои асосии хоҷагӣ: ғаллакорӣ, боғдорӣ ва чорводорӣ. Заминҳо аз дарёҳои Сурхоб ва Хингоб ба воситаи наҳри «50 солагии Тоҷикистон» обёрӣ мешаванд. Дарбанд бо номи шаҳри қадимии Дарбанд номгузорӣ шудааст, ки харобаҳояш ҳанӯз дар шимолу шарқии деҳаи Лаби Ҷари ноҳияи Нуробод пайдо шудаанд.