Дарёдор

Дарёдор (форсӣ: دریادار‎) — дараҷае солорӣ дар нерӯи дарёӣ, ки ҷойгоҳе болотар аз новхудо якум ва пойинтар аз дарёбон дорад ва баробар бо гундсолор дар нерӯҳои заминӣ ва ҳавоӣ аст; контр-адмирал.

Пайдарпаии дараҷаҳои низомӣ

Дараҷаи пойинтар: Новхудо якум	Дарёдор	Дараҷаи болотар: Дарёбон

Дарёдор
Сардӯшии дарёдор дар Нерӯи дарёии Русия Нишони остини дарёдор дар Нерӯи дарёии Русия
Кӯтаҳнивишт	форсӣ: دریادار‎
Кишвар	Русия
Дараҷаи болотар	Дарёбон
Дараҷаи пойинтар	Новхудо якум
Ҳамто	Гундсолор  Русия Контр-адмирал[1]  ИМА Counter admiral NATO OF-6

Вожашиносӣ

«Дарёдор» ба маънои «дарёдоранда; нигаҳдори дарё»^[2] аз як вожа ва як пасванд сохта шудаву мақулаи дастурии он исм ва сохтвожаи он ба сурати [исм (дарё) + пасванд (-дор), ки ба исм афзуда мешавад ва умуман маънии «нигаҳдоранда»-ро мерасонад^[3]] аст.

дарё (порсии миёна: drayāb- < порсии бостон: drayah-^[4]) + -дор (порсии миёна: dār < порсии бостон: *dār(a)- < эронии бостон: *dārai̯a- «доштан; доранда»)

Дар сохти ин исм аз фароянди вожасозии таркиб истифода шудааст.

Истилоҳи «дарёдор»-ро соли 1935 Фарҳангистони забони Эрон ҷойгузини дараҷаи низомии «амирулбаҳри севум» (аз ар. امیرالبحر‎ < фр. admiral «фармондеҳи нерӯи дарёӣ») кардааст^[5].

Пешина

Адмирал (русӣ: адмира́л < ҳол. admiraal^[6] < фр. amiral, admiral < ар. ‏أمير البحر‎ амиру-л-баҳр «дарёсолор»^[7][8]) ҳамчун дараҷаи низомӣ дар нерӯи дарёӣ дар Аврупо садаи XII расм шуд (дар Венетсия ва Генуя). Пётри I охири садаи XVII дар Русия ин дараҷаро (генерал-адмирал, адмирал, витсе-адмирал ва контр-адмирал) ҷорӣ намуд.

7 майи 1940 дар Флоти ҳарбии баҳрии СССР дараҷаҳои контр-адмирал, витсе-адмирал, адмирал, адмирали флот таъсис ёфтанд, барои адмиралҳои хидмати инженерии киштӣ унвонҳои инженер-контр-адмирал, инженер-витсе-адмирал, инженер-ад­мирал ҷорӣ шуд. 3 марти 1955 ба ивази унвони адмирали флот – Адмирали Флоти Иттифоқи Советӣ қабул шуд. Аз 28 апрели 1962 унвони Адмирали Флоти СССР низ ҷорӣ гардид. Барои адмиралҳои хидмати инженерӣ аз 18 ноябри 1971 унвонҳои конт-адмирал-инженер, витсе-адмирал-инженер, адмирал-инженер муқаррар шуданд.

Сарчашма

• Адмирал // А — Асос. — Д. : СИЭМТ, 2011. — (Энсиклопедияи Миллии Тоҷик : [тахм. 25 ҷ.] / сармуҳаррир А. Қурбонов ; 2011—2023, ҷ. 1). — ISBN 978-99947-33-45-3.