Utot

Para sa ibang mga gamit, tingnan ang Utot (paglilinaw).

Ang utot^[1] (Ingles: flatulence, flatus, fart) ay ang hanging lumalabas o sumisingaw mula sa butas ng puwit ng tao o hayop. Nagkakaroon ng kabag (tympanites sa Ingles, mula sa Griyegong τύμπανο o "tambol") ), ang pamimintog o paglobo ng tiyan dahil sa pagtataglay at pagkakaipon ng hangin sa loob ng tiyan.^[2] Samantala, tinatawag namang meteorismo kapag namintog o lumobo ang bituka dahil sa pagkakaipon ng hangin sa loob nito. Nakakaapekto ang meteorismo sa normal na paghinga ng tao.^[3] Kapwa nagaganap ang kabag at meteorismo sa loob ng landasing gastrointestinal.

Mga sanhi

Kabilang sa maaaring maging sanhi ng meteorismo at kabag ang mga sumusunod:

• Bara sa bituka
• Mga bato sa bato
• Kasiraan sa tungkulin ng bahagi ng katawan (disordeng punksyonal)
• Labis na pagkain
• Labis na paglaki o pagdami ng bakterya
• Pamamaga ng bituka
• Sobra sa pagkain ng matatabang pagkain gaya ng taba ng baboy na nagdudulot ng mabagal na pagtunaw ng pagkain sa loob ng tiyan