Nakasarang patinig

Nakasarang patinig (Ingles: close vowel) ang mga patinig na sinasalita sa pamamagitan ng pagpuwesto ng dila sa pinakamataas na bahagi ng bubong ng bibig nang hindi gumagawa ng pag-ipit katulad ng sa mga katinig.^[1] Kilala rin ito sa tawag na saradong patinig at mataas na patinig (Ingles: high vowel).^[a] Sa wikang Tagalog, [i] at [u] ang mga nakasarang patinig.^[2]

PPA: Mga patinig
Harap Sentro Likod Nakasara i y ɨ ʉ ɯ u Halos nakasara ɪ ʏ ʊ Nakasarang gitna e ø ɘ ɵ ɤ o Gitna e̞ ø̞ ə ɤ̞ o̞ Nakabukang gitna ɛ œ ɜ ɞ ʌ ɔ Halos nakabuka æ ɐ Nakabuka a ɶ ä ɑ ɒ
tulong  tunog buo padron Ayos ng patinig: di-bilog • bilog

Listahan

Narito ang anim na nakasarang patinig na may kaakibat na simbolo sa Pandaigdigang Ponetikong Alpabeto (PPA).

• nakasarang harapang di-bilog na patinig [i]
• nakasarang harapang nakapisil na patinig [y]
• nakasarang sentrong di-bilog na patinig [ɨ]
• nakasarang sentrong nakaumbok na patinig [ʉ]
• nakasarang likurang di-bilog na patinig [ɯ]
• nakasarang likurang nakaumbok na patinig [u]

Bukod sa anim na ito, nasa baba naman ang mga nakasarang patinig na walang kaakibat na simbolo sa PPA.

• nakasarang harapang nakaumbok na patinig [ʉ̟] (yʷ)
• nakasarang sentrong nakapisil na patinig [ÿ] (ɏ)
• nakasarang likurang nakapisil na patinig [ɯᵝ] (u͍)

Posibleng maipakita ang iba pang mga nakasarang patinig gamit ang mga tuldik ng relatibong artikulasyon na nilalagay sa mga titik para sa mga kalapit na patinig. Halimbawa, ⟨i̠⟩ o ⟨ɪ̝⟩ para sa isang nakasarang halos harapang di-bilog na patinig.

Tingnan din

• Halos nakasarang patinig
• Nakasarang gitnang patinig
• Gitnang patinig
• Nakabukang gitnang patinig
• Halos nakabukang patinig
• Nakabukang patinig

Talababa

1. Sa wikang Ingles, mas ginagamit ang salitang high vowel sa Estados Unidos. Gayunpaman, minumungkahi ng Pandaigdigang Samahang Pangponetika (IPA) ang paggamit sa salitang close vowel.