DWLL

Ang DWLL (94.7 FM), sumasahimpapawid bilang Mellow 94.7 BFM, ay isang himpilan ng radyo na pagmamay-ari ng FBS Radio Network at pinamamahalaan ng Prage Management Corporation. Ang estudyo nito ay matatagpuan sa Unit 908, Paragon Plaza Building, EDSA, Mandaluyong.^[1]

Mellow 94.7 BFM (DWLL)

Pamayanan ng lisensya	Mandaluyong
Lugar na pinagsisilbihan	Kalakhang Maynila at mga karatig na lugar
Frequency	94.7 MHz
Tatak	Mellow 94.7 BFM
Palatuntunan
Wika	English
Format	Soft adult contemporary
Pagmamay-ari
May-ari	FBS Radio Network
Operator	Prage Management Corporation
Sister station	DWBL Abante Radyo
Kaysaysayn
Unang pag-ere	23 Pebrero 1973 (1973-02-23)
Kahulagan ng call sign	Luis at Leonida Vera (original owners)
Impormasyong teknikal
Awtoridad na naglisensiya	NTC
Class	A/B/C
Power	25,000 watts
ERP	72,620 watts
Link
Webcast	Listen Live
Website	mellow947.fm

History

1973–2006: Mellow Touch

Itinatag ang himpilang ito noong 1973 bilang WLL 94.7 o Mellow Touch 94.7. Ito ang kauna-unahang himpilan sa bansa na umeere ng easy listening na format. Nakatutok ito sa layunin na "more music, less talk", kung saan awotmatiko ang pagtakbo nito. Naging kilala sa kasaysayan ng radyo sa bansang ito ang top-of-the-hour ID ng Mellow Touch na binansagang "The Mellow Sound", lalo na sa lirikong "You are the minstrel and I'm your guitar".^[2][3][4]

Noong Nobyembre 1996, inilunsad nito ang sarili nitong mga personalidad. Kabilang dito ay sina Scott Free (Drew Domingo), Harry Maze (Harry Corro), Ted Bear (Renan Baluyut), at Riz Taylor (Ariz Peter Fuentez), pati si Ruth Cabal (formerly of GMA News and CNN Philippines and now for News5) bilang tagapagbalita.^[5]

Nasa Philippine Communications Center building (PHILCOMCEN) sa Pasig ang una nitong tahanan hanggang 1998, nung lumipat ito sa Paragon Plaza Building sa Mandaluyong.

2006–kasalukuyan: Mellow 947

Sa kalagitnaan ng 2006, naging Mellow 947 ito na binansagang "Sounds Good". Bilang pantarget sa mas batang tagapagkinig, nagpalit ito ng format sa Adult Top 40, na nagpapatugtog ng musika mula sa dekada 2000 hanggang sa kasalukuyang araw.^[4]

Noong 2019, idinagdag sa playlist nito ang dekada 90. Nagdagdag din ito ng bansag na "All Hits".

Noong 2021, bumalik ito sa easy listening na format. Makalipas ng isang taon, muling binalik ang "The Mellow Sound".

Noong Agosto 1, 2024, kinuha ng Prage Management Corporation, ang may-ari ng Abante at Bilyonaryo News Channel, ang mga operasyon ng himpilang ito at itinigil nito ng pansamantala ang paggamit sa Mellow. Makalipas ng isang buwan, ibinalik ito bilang Mellow 94.7 BFM na binansagang "Best Friend Mo".

Noong Nobyembre 18, 2024, nagsimula itong iriley ang Agenda ng Bilyonaryo News Channel.