DZRB-AM

Ang DZRB (738 AM), sumasahimpapawid bilang Radyo Pilipinas - Radyo Publiko, ay isang himpilan ng radyo na pagmamay-ari at pinamamahalaan ng Presidential Broadcast Service. Ang estudyo nito ay matatagpuan sa 4th Floor, PIA/Media Center Building, Visayas Avenue, Barangay Vasra, Diliman, Lungsod Quezon, at ang transmiter nito ay matatagpuan sa Barangay Marulas, Valenzuela.

Radyo Publiko (DZRB)

Pamayanan ng lisensya	Lungsod Quezon
Lugar na pinagsisilbihan	Malawakang Maynila at mga karatig na lugar
Frequency	738 kHz
Tatak	Radyo Pilipinas Radyo Publiko
Palatuntunan
Wika	Filipino
Format	News, Public Affairs, Talk, Government Radio
Network	Radyo Pilipinas
Affiliation	PTV Radio Television Malacañang
Pagmamay-ari
May-ari	Presidential Broadcast Service
Sister station	Sports Radio, Radyo Magasin, Republika ni Juan, The Capital, RP World Service
Kaysaysayn
Unang pag-ere	8 Mayo 1933 (1933-05-08)
Dating call sign	KZSO (1933–1944) KZFM (1944–1947) DZFM (1947–1987)
Dating frequency	710 kHz (1933–1978) 918 kHz (1978–1996)
Kahulagan ng call sign	Radyo ng Bayan (dating pangalan)
Impormasyong teknikal
Awtoridad na naglisensiya	NTC
Class	A (clear frequency)
Power	50,000 watts
Link
Webcast	DZRB Radyo Pilipinas LIVE Audio Listen Live via Streema Padron:TuneIn
Website	radyopilipinas.ph/rp-one PBS

History

Logo of Radyo ng Bayan from 2013 to 2017

Itinatag ang himpilang ito noong Mayo 8, 1933 sa ilalim ng pamamahala ng Kagawaran ng Ugnayang Panlabas. Nasa 710 kHz ang talapihitan nito sa ilalim ng call letters na KZSO. Noong Setyembre 3, 1937, inilipat ang pamamahala nito sa Radio Broadcasting Board (RBB) na binuo ni Pangulong Manuel Quezon. Noong Enero 1942, muling inilunsad ang RBB bilang Philippine Information Council (PIC). Noong 1944 nagpalit ang call letters nito sa KZFM, na ipinangalan kay Frederick Marquardt.^[1]

Noong Setyembre 1946, dalawang buwan pagkatapos ang kalayaan ng Philippines mula sa Estados Unidos, inilunsad ang Philippine Broadcasting Service.^[2] Noong 1948, nagpalit ang call letters nito sa DZFM. Noong Hulyo 1, 1952, binuwag ang PIC at inilipat ang pamamahala nito at ang PBS sa opisina ng pangulo. Noong 1959, inilunsad ang Department of Public Information (DPI), na naging tagapamahala ng himpilang ito.^[3]

Vehicle (North Bay Boulevard)

Sa ilalim ng Batas Militar noong 1972, kinuha ng Bureau of Broadcasts ang pamamahala ng himpilang ito na naging DPI Radio 1 / MPI Radio 1. Noong Nobyemmbre 1978, lumipat ang talapihitan Nito sa 918 kHz.^[4]

Noong 1986, pagkatapos ng Rebolusyong EDSA), muling inillunsad ang himpilang ito bilang Sports Radio na may format na kaugnay sa palakasan.^[5]

Noong Enero 2, 1995, batay sa Presidential Order No. 293, inilipat ang Sports Radio sa 918 kHz at muling inilunsad ang talapihitang ito bilang Radyo ng Bayan.^[6]

Sa pamumuno ni Rizal "Bong" Aportadera, Jr. (Sonny B) bilang Director General ng PBS, noong Hunyo 5, 2017, muling inilunsad ang mga himpilan ng Radyo ng Bayan bilang Radyo Pilipinas, na kapangalan ng himpilan nito sa SW.^[7] Sumunod ang muling paglunsad ng Sports Radio bilang Radyo Pilipinas Dos noong Setyembre 18, 2017.

Mula Mayo 5, 2018, ilan sa mga programa ng Radyo Pilipinas ay napapanood sa PTV.

Mula Pebrero 17, 2025, naka-simulcast ito sa 104.3 The Capital mula 6:00am hanggang 12:30pm.