DZRM

Ang DZRM (1278 AM), sumasahimpapawid bilang Radyo Pilipinas - Radyo Magasin, ay isang himpilan ng radyo na pagmamay-ari at pinamamahalaan ng Presidential Broadcast Service. Ang estudyo nito ay matatagpuan sa 4th Floor, PIA/Media Center Building, Visayas Avenue, Barangay Vasra, Diliman, Lungsod Quezon, at ang transmiter nito ay matatagpuan sa Barangay Marulas, Valenzuela.

Radyo Magasin (DZRM)

Pamayanan ng lisensya	Lungsod Quezon
Lugar na pinagsisilbihan	Kalakhang Maynila at mga karatig na lugar
Frequency	1278 kHz
Tatak	Radyo Magasin
Palatuntunan
Wika	Filipino
Format	Public radio
Network	Radyo Pilipinas
Pagmamay-ari
May-ari	Presidential Broadcast Service
Sister station	DZRB, DZSR, DWFO, DWFT, DZRP, DWGT-TV, DZTV-TV
Kaysaysayn
Unang pag-ere	1987
Dating pangalan	Radyo Maynila Radyo Magasin Radyo Pilipinas 3
Kahulagan ng call sign	Radyo Magasin Radyo Maynila
Impormasyong teknikal
Awtoridad na naglisensiya	NTC
Power	10,000 watts
Link
Webcast	DZRM Radyo Pilipinas 3 Live Audio
Website	PBS

Kasaysayan

1987 - 2017: Radyo Manila / Radyo Magasin

Itinatag ang himpilang ito noong 1987 bilang Radyo Maynila sa utos ng BBS-PBS interim director na si Jose Mari Gonzales na may sari-sariling pangalan ang mga himpilan nito, kagaya ng Radyo ng Bayan (918 kHz), Sports Radio (738 kHz) at Radyo Pagasa (SW).

Nung huling bahagi ng dekada 90, naging pampublikong radyo ito bilang Radyo Magasin. Bahagi ng format nito ay tungkol sa mga kasalukuyang kaganapan at kulturang Pilipino. Kagaya ito ng format ng isang magasin.^[1]

Mula 2007 hanggang 2009, tahanan ng DZRM ang programa para sa kulturang Español, Filipinas, Ahora Mismo.^[2]

Noong Setyembre 17, 2017, namaalam ang Radyo Magasin sa ere. Halos lahat ng mga programa nito ay sumanib sa DZSR bilang Radyo Pilipinas Dos, na inilunsad sa susunod na araw.^[3]

2020-2023: DepEd TV

Noong Oktubre 5, 2020, bumalik ito sa ere bilang riley ng DepEd TV bilang bahagi ng programang distance learning sa kalagitnaan ng Pandemya ng COVID-19 sa Pilipinas. Nagtagal ito hanggang Hunyo 2022.^[4] Nagpatugtog ito ng musika tuwing hindi sumahimpapawid ang DepEd TV.

2023-2024: Radyo Pilipinas 3

Noong Abril 10, 2023, muling inilunsad ang himpilang ito bilang Radyo Pilipinas 3 (RP3 Alert). Nagsisilbi itong himpilan para sa paghahanda sa kahit anong emerhensya at pagpapakalat ng impormasyon. Karamihan ng mga progrma nito ay naka-riley sa RP1 and RP2.

2025-kasalukuyan: Ang pangalawang Radyo Magasin

Noong Enero 6, 2025, ibinalik ang Radyo Magasin na pangalan. Kasabay nito ang paglunsad ng ilang programa mula sa Radyo Publiko.