Daang Governor Pack

Ang Daang Governor Pack (Ingles: Governor Pack Road) ay isang pangunahing lansangan sa Baguio sa hilagang Luzon, Pilipinas. Ang haba nito ay 0.17 kilometro (0.11 milya).

Daang Governor Pack Governor Pack Road
Impormasyon sa ruta
Pinangangasiwaan ng Kagawaran ng Pagawaing Bayan at Lansangan – Tanggapang Inhinyero ng Distrito ng Lungsod ng Baguio
Haba	0.17 km (0.11 mi)
Bahagi ng	N54 (rotonda ng Daang Kennon — tagpuan ng Daang Harrison)
Pangunahing daanan
Dulo sa hilaga	N231 (Daang Session)
	N54 (Daang Harrison)
Dulo sa timog	N208 (Lansangang Aspiras–Palispis) / N54 (Daang Kennon)
Lokasyon
Mga pangunahing lungsod	Baguio

Paglalarawan ng ruta

Nag-uugnay ang daan mula sa isang rotonda ng Lansangang Aspiras-Palispis (dating Lansangang Marcos) at Daang Kennon papuntang Daang Session sa pusod ng kabayanan ng lungsod. Matatagpuan sa daan ang lumang Baguio Terminal ng Victory Liner, Bus Terminal ng Genesis Transport, Pambansang Mataas na Paaralan ng Lungsod ng Baguio City, at ang Unibersidad ng mga Cordillera.

Bilang ng ruta

Sa ilalim ng pagpapatupad bagong sistemang pamilang ng ruta ng Kagawaran ng Pagawaing Bayan at Lansangan (DPWH) noong 2014, isa ang Daang Governor Pack sa mga bahagi ng Pambansang Ruta Blg. 54 (N54) ng sistemang lansangambayan ng Pilipinas, na kinabibilangan din ng Daang Kennon, Daang Harrison, at Daang Naguilian. Lagpas ng tagpuan ng Daang Harrison hanggang sa Daang Session, ang daan ay walang bilang na ruta at tinukoy bilang isang pambansang daang tersiyaryo.

Tingnan din

• Sistema ng lansangang bayan sa Pilipinas

16°22′43″N 120°32′29″E