Georgetown

Ang Georgetown ay isang lungsod at kabisera ng Guyana, matatagpuan sa Rehiyon 4, na kilala din sa tawag na rehiyong Demerara-Mahaica. Ito ang pinakamalaking urbanong sento ng bansa. Matatagpuan ito sa baybayin ng Karagatang Atlantiko sa bunganga ng Ilog Demerara at may palayaw na "Harding Lungsod ng Karibe."

Georgetown
Kabiserang lungsod
Georgetown Lokasyon ng Guyana at Timog Amerika Show map of Guyana Georgetown Georgetown (Timog Amerika) Show map of Timog Amerika
Mga koordinado: 6°48′4″N 58°9′19″W
Bansa	Guyana
Rehiyon	Demerara-Mahaica
Naitatag	1781
Ipinangalan	29 April 1812
Pamahalaan
• Uri	Alkalde-Konseho
• Alkalde	Ubraj Narine
Lawak
• Kabuuan	70 km2 (30 milya kuwadrado)
Taas	0 m (0 tal)
Populasyon  (2012)[1]
• Kabuuan	118,363
• Kapal	1,700/km2 (4,400/milya kuwadrado)
Sona ng oras	UTC-4
Kodigo ng lugar	231, 233, 225, 226, 227
Klima	Af

Pangunahing nagsisilbi ang Georgetown bilang isang tingian at administratibong sentro. Nagsisilbi din ito bilang isang sentro ng mga serbisyo. Nagtala ang lungsod ng isang populasyon na 118,363 sang-ayon sa senso ng 2012.^[1]

Kasaysayan

Lugar ng Misyong Wesleyano, George-Town, Demerara (1850)^[2]

Nagsimula ang lungsod ng Georgetown bilang isang maliit na bayan noong ika-18 dantaon. Noong una, matatagpuan ang kabisera ng kolonya ng Demerara-Essequibo sa Pulo ng Borsselen sa Ilog Demerara sa ilalim ng pamamahala ng mga Olandes. Nang binihag ng mga Briton ang kolonya noong 1781, pinili ni Tenyente-Koronel Robert Kingston ang bunganga ng Ilog Demerara para maging panirahan ng isang bayan na matatagpuan sa mga Taniman ng Werk-en-rust at Vlissengen.