Halamang-ugat

Ang mga halamang-ugat^[1] (Ingles: root vegetables) ay halaman na malaman ang ugat o may nakabaon na bahagi na nakakain ng tao. Lamang-ugat^[2] naman ang tawag sa bunga o sa malamang bahagi nito. Nabubuhay at naglalaman ang mga halamang ito sa mga lupang madalas nasasairan ng tubig. Sinaunang pagkain ito ng mga tao. Sa katunayan, ito ang pagkain na panawid o pamawi gutom sa kabukiran pag hindi pa hinog ang mga butil ng palay sa kaingin, sa maraming bahagi ng Pilipinas noon at sa kasalukuyan. Ilan sa mga kilalang halamang-ugat sa bansa ang gabi, ube, kamoteng-kahoy, at kamote. Ang mga kakaning halaya, minatamis, ginataan, at suman ay gawa mula sa mga nasabing halaman, na madalas makita sa mga pamilihan.