Lansangang-bayang Romulo

Ang Lansangang-bayang Romulo (Ingles: Romulo Highway), na dating tinawag na National Highway 13, ay isang lansangan sa Pilipinas na dumadaan sa mga lalawigan ng Tarlac at Pangasinan. Ang haba nito ay 77.2 kilometro (48.0 milya), at nagsisimula ito sa Bulebar Ninoy Aquino sa Lungsod ng Tarlac at nagtatapos ito sa Daang Lingayen-Labrador sa Lingayen. Dumadaan ito sa mga bayan ng Santa Ignacia, Camiling, at San Clemente sa Tarlac; at Mangatarem, Aguilar, at Bugallon sa Pangasinan. Bahagi ito ng Pambansang Ruta Blg. 55 (N55) ng sistemang lansangambayan sa Pilipinas.

Lansangang-bayang Romulo Romulo Highway
Daang Tarlac–Pangasinan
Lansangang-bayang Romulo sa Barangay San Pablo, Lungsod ng Tarlac
Impormasyon sa ruta
Haba	77.2 km (48.0 mi)
Pangunahing daanan
Dulo sa timog-silangan	Bulebar Ninoy Aquino sa Lungsod ng Tarlac
	Daang Paniqui–Camiling at Daang Camiling–Santa Barbara sa Camiling Daang Mangatarem–Urbiztondo sa Mangatarem Daang Olongapo–Bugallon sa Bugallon
Dulo sa hilaga-kanluran	Daang Lingayen–Labrador sa Lingayen
Lokasyon
Mga pangunahing lungsod	Lungsod ng Tarlac
Mga bayan	Santa Ignacia Camiling San Clemente Mangatarem Aguilar Bugallon Lingayen
Sistema ng mga daan
Mga daanan sa Pilipinas Mga lansangan Mga mabilisang daanan Talaan

Ipinangalan ito kay Carlos P. Romulo, isang Pilipinong diplomatiko, politiko, sundalo, mamamahayag, at manunulat na naglingkod din bilang Pangulo ng Mga Nagkakaisang Bansa mula 1949 hanggang 1950. Si Romulo ay ipinanganak sa Camiling, bayan sa Tarlac kung saan dumadaan ang lansangan.

Tingnan din

• Mga lansangan sa Pilipinas