Matimu ya misava

Matimu ya Misava inhlamuselo ya  Matimu ya vanhu hi kuya hi tidyondzo ta kucela tindzhawu ta khale kulanganisa na matsalwa lamahlayisiweke. Matimu ya khale ka khaleni masungula hi tsumbula ndlela yo tsala.^[1][2] Hambiswiritano, timintsu ta nhluvuko tiente kuya endzhaku ngopfu kufikela eka thekinoloji ya khale na ndhzavuko wakona. nguva ya kusungula ka matimu yi sunguriwa eka "nguva yosungula ya Maribye" , leyi landzeriwaka hi "nguva ya vumbirhi ya maribye", naswona yihlanganisa na nguva ya vurimi (Exikarhi ka 8000 na 5000 BCE). Nguva leyi yitise ku cinca loku kulu eka matimu ya vanhu, hikuva vanhu va sungule ku khatalela no hlakulela swibyariwa (swimilana) na swiharhi.^[3][4][5] Vurimi byi antswisiwile naswona leswi swi endle leswaku vanhu va cinca eka mahanyele ya ku valanga ku ya eka mahanyele ya vurimi naswona va tshama endhzawini yin'we. Kuvalanga kuyile emahlweni  e tindzhawini tin'wana ta misava ngopfu ngopfu etinzhawini leti tumbeleke naswona tirina swimilana switsongo leswi dyekaka;^[6] kambe vusirheleleki na ntshovelo lowu tlakukeke wa vurimi swi endle leswaku mintlawa ya va akatiko va ndlandlamuxa miganga naswona va pfuniwak hi ku antswisiwa ka swa vutleketli.

Xifaniso xa lebakwini ra le Furhwa

Xifaniso xa Da Vinci

Xifaniso xa bronzi xa le Yoruba xa hosi yamu Ife

Ku antswisiwa ka vurimi ku tise tindlela letinthswa ta ku hlayisa mavele na tinyunge tin'wana leti tisaka ntsovelo lowunene, naswona leswi swi endle leswaku nkavelo wa mintirho wu sunguriwa na ku hlayisa mavele exikarhi ka tinguva to byala. Nkavelo wa ntirho wu simeke swiyenge swa vanhu naswona wu tumbuluxa madorobha. Kurharhangana loku kulaka ka miganga ya vanhu ku tswale tindlela to tsala na tinhlayo.^[7] Madorobha yotala masimekiwe emabuweni ya milambu; kusungula hi 3000 BCE tindhzawu to tshama leti sasekeke ti akiwile e tikweni ra Mesopotamiya,^[8] e ribuweni ra nambu wa Nayli e Gibita,^[9][10][11] ribuwa ra nambu wa Indusi ,^[12][13][14] na milambu leyi kulu ya Chayina.^[15][16][17]

Matimu ya misava ya khale (ngopfu ngopfu Yuropa na Meditera) ma hambanisiwa hi Matimu yaxikhale kufika eka 476 CE; "Malembe yale xikarhi"^[18][19], kusukela eka lembe-xidzana ravunthlanu (5) kuya eka ravu khume na ntlhanu, kuhlanganisa na nguva ya nsuku ya vuIslamu (c. 750 CE – c. 1258 CE) ku hlanganisa na Malembe ya kupfuxelela ka Ithali (kusungula kwalomu ka 1300 CE);^[20][21] nguva yo sungula,^[22] kusukela eka lembe-xidzana ra vukhume nthlanu (15) kuya eka khume-nhungu (18), laha ku hlanganisiwa na nguva ya kuvoningeriwa, kusuka eka nguva ya tinkomponi kuta fika sweswi.

Exikarhi ka lembe-xidzana ra khume-nthlanu (15), kutsumburiwa ka vugandlisi bya tibuku,^[23] ku hluvukise tindlela ko hundzisa marungula, naswona ku hetisa nguva ya malembe yale xikarhi ivi kusungula nguva ya migingiriko Sayensi.^[24] Hikwalomu ka lembe-xidzana ra vu khume-nhungu (18), kuhlengeletiwa ka vutivi na thekinoloji, ngopfo ngopfu e Yuropa, swifikile e manembeleleni naswona swi sungula nguva ya tinkomponi.^[25] Ehandle ka misava yakhale, kuhlanganisa na Chayina wakhale^[26] na Indiya yakhale, matimu ya ololoke hi kuhambana lokukulu. Hambi swiritano, hi lembe-xidzana ra makhume-nhungu (18), matimu ya minhluvuko ya vanhu leyi hamba-hambaneke yisungule ke hlangana hikwalaho ka swamabindzu ya misava na vukolonyi. Eka kotara yo hetelela ya lembe-xidzana, kukula ka nhlayo ya vanhu, vutivi, thekinoloji, swamabindzu, Mathlarhi ya tinyimpi, na ku thyakisiwa ka mbangu ku ye mahlweni hirivilo lerikulu swonghasi.^[27][28]

Hlaya nakambe leswi landzelaka

• Louis-Henri FOURNET, "Diagrammatic Chart of World History", Editions Sides (1986), ISBN 978-2-868-61096-6
• David Landes, The Wealth and Poverty of Nations: Why Some Are So Rich and Some So Poor, New York, W. W. Norton & Company (1999), ISBN 978-0-393-31888-3
• David Landes, "Why Europe and the West? Why Not China?", Journal of Economic Perspectives, 20:2, 3, 2006.
• William H. McNeill, The Rise of the West: A History of the Human Community, Chicago, University of Chicago Press, 1963.
• Larry Gonick, The Cartoon History of the Universe, Volume One, Main Street Books, 1997, ISBN 978-0-385-26520-1, Volume Two, Main Street Books, 1994, ISBN 978-0-385-42093-8, Volume Three, W. W. Norton & Company, 2002, ISBN 978-0-393-32403-7.

Swikombisi swa lehandle

• Crash Course World History
• British Museum - A History of the World
• Gobekli Tepe - World's known first temple 15000 BC
• Pella, John & Erik Ringmar, History of International Relations Open Textbook Project, Cambridge: Open Book, forthcoming.