Алмас Заһретдинов

Алмас Заһретдинов, Алмас Талип улы Заһретдинов (1958 елның 16 июне, СССР, РСФСР, ТАССР, Нурлат районы, Киекле – 2022 елның 7 апреле, РФ, ТР, Әлмәт районы, 16К-0131 Кузайкино (Р-239) ― Нурлат юлы) – Чаллының М. Ш. Бибишев исемендәге «Витязь» олимпия резервы спорт мәктәбенең тренер-укытучысы, билбаулы көрәш белән танылган спортчы, Россиянең спорт мастеры, югары квалификацион категорияле тренер, халыкара класслы хөкемдар-судья. Татарстанның (2001) һәм Россиянең (2014) физик тәрбия һәм спорт отличнигы. Татарстанның атказанган тренеры (2003). Татарстанда «Ел спортчысы» (2018).

Алмас Заһретдинов
Туган телдә исем	Алмас Талип улы Заһретдинов
Туган	16 июнь 1958(1958-06-16) СССР, РСФСР, ТАССР, Нурлат районы, Киекле
Үлгән	7 апрель 2022(2022-04-07) (63 яшь) РФ, ТР, Әлмәт районы, 16К-0131 Кузайкино (Р-239) ― Нурлат юлы
Милләт	татар
Ватандашлыгы	СССР→ РФ
Һөнәре	спортчы (билбаулы көрәш), тренер
Бүләк һәм премияләре	Россиянең спорт мастеры Татарстанның атказанган тренеры

Википедиядә Заһретдинов фамилияле башка кешеләр турында мәкаләләр дә бар.

Тәрҗемәи хәле

1958 елның 16 июнендә^[1] Татарстан АССР Нурлат районы Киекле авылында туган.

Чаллының М. Ш. Бибишев исемендәге «Витязь» олимпия резервы спорт мәктәбендә тренер-укытучы булып эшләгән, балаларны татарча көрәш серләренә өйрәткән ^[2].

Тренер-укытучы булып эшләү дәверендә А. Т. Заһретдинов тарафыннан 20 спорт мастеры һәм 30 спорт мастерлыгына кандидат әзерләнгән.

Авыл һәм район Сабантуйларында хөкемдар-судья булып эшләгән.

2022 елның 7 апрелендә^[3] Әлмәт шәһәре янында Әлмәт-Нурлат (16К-0131 Кузайкино (Р-239) ― Нурлат) трассасының 46нчы чакрымында юл-транспорт һәлакәтендә үлгән. 9 апрельдә туган ягында – Нурлат районы Киекле (Бурметьево) авылында җирләнә ^[4]

Бүләкләре, мактаулы исемнәре

• 2001 – Татарстанның физик тәрбия һәм спорт отличнигы
• 2003 – Татарстанның атказанган тренеры
• 2014 – Россиянең физик тәрбия һәм спорт отличнигы
• 2015 – «Казан шәһәрендәге 2013 елгы XXVII Бөтендөнья җәйге универсиадасы» медале
• Россиянең спорт мастеры
• 2018 – Татарстанда «Ел спортчысы»

Гаиләсе

Хатыны, балалары, оныклары.

Хәтер

Чаллының «Витязь» спорт үзәгендә танылган көрәшче, Россиянең спорт мастеры, югары квалификацион категорияле тренер Алмас Заһретдинов истәлегенә билбау көрәше буенча Бөтенроссия ярышлары (беренчелек) уздырыла^[5].