Болгар мәчете (Чабаксар)

Болгар мәчете (чуаш. Пăлхар мичĕт) – Чуашстанның башкаласы Чабаксар шәһәрендә урнашкан мөселман гыйбадәтханәсе (мәчет). Чуашстан мөселманнары Диния нәзарәтенең Чабаксар мөхтәсибәтенә карый. Бер үк вакытта Чуашстан мөселманнары Диния нәзарәтенең Чабаксардагы резиденциясе вазифасын да үти ^[1].

Мәчет
Болгар
Ил	Россия
шәһәр	428020 / Чуашстан, Чабаксар, Ленин районы, Федор Гладков ур., 18
Координатлары	56°6'43.2"N, 47°14'39.5"E (G) (O) (Я)
Дин	Ислам
Мәхәллә	Чабаксар мөхтәсибәте
Кайсы дини агымга карый	сөнни / хәнәфи
Бина төре	мәчет
Нигезләнгән	2001
Төзелеш еллары	2001—2005 еллар
Төп даталар: 2001 (төзелеш башлану) 2005 (ачылу)
Халәте	гамәлдә

Бу терминның башка аңлатмалары да бар, аларны карау өчен Болгар мәчете битенә күчегез.

Тарих

Тышкы рәсемнәр
	Мәчет фотосурәтләре.

2002 елгы халык санын алу мәгълүматлары буенча, Чабаксарда һәм аңа буйсынган торак пунктларда татарларның саны 4932 (шәһәр халкының 1,1 % ы) ^[2], 2010 елгы халык санын алу мәгълүматлары буенча, Чабаксарда татарларның саны 4 475 булган (шәһәр халкының 1,03 % ы) ^[3].

Җирле татарлар, берләшеп, 1946 елда ук намаз укый башласа да, моны Чуашстан башкаласының аерым бер йортында гына эшли алганнар.

2001 елның 3 ноябрендә Чабаксарның Ленин районында, шәһәр читендә урнашкан Федор Гладков урамы, 18 нче йорт адресы буенча мәчеткә нигез ташы салынган.

2005 елның 14 сентябрендә мөфти Тәлгать Таҗетдин «Болгар» мәчетен ача ^[4].

2005 елда төзелгән мөселман гыйбадәтханәсе шәһәр тарихында беренче мәчет булып тора.

Мәчетнең исеме Идел буе Болгары башкаласы Болгар шәһәре хөрмәтенә аталган. Чабаксарда Аллаһ йорты шактый озак вакытлар төзелгән, төзелеш эшләре биш елдан артык дәвам иткән. Архитекторлар үзенчәлекле ислам дини корылмасы проектын тәкъдим иткән. Бина заманча стильдә төзелгән.

2015 елда Чабаксарның бердәнбер мәчете ун еллыгын билгеләп үткән^[5].

Сылтамалар

• Мечеть в Чебоксарах отметила десятилетие. Всемирный исламский сайт мусульман(рус.)

Моны да карагыз

• Чуашстан мөселманнары Диния нәзарәте