Венер Сәлимов

Венер Сәлимов (Венер Асылгәрәй улы Сәлимов) — ТР дәүләт куркынычсызлык комитеты рәисе (1999), ТР Куркынычсызлык шурасы сәркатибе (1999-2014), ТР атказанган юристы.

Венер Сәлимов
Туган телдә исем	Венер Асылгәрәй улы Сәлимов
Туган	1 май 1941(1941-05-01) (84 яшь) ТАССР Минзәлә
Милләт	татар
Ватандашлыгы	ССРБ ССРБ→ Россия Россия
Әлма-матер	Татар дәүләт гуманитар-педагогика университеты
Һөнәре	юрист, оешма җитәкчесе
Балалар	кызы
Бүләк һәм премияләре

Бу терминның башка аңлатмалары да бар, аларны карау өчен Сәлимов битенә күчегез.

Тәрҗемәи хәле

1941 елның 1 маенда Минзәләдә туган. Казан дәүләт педагогия институтының чит телләр факультетын (1964), ССРБ дәүләт куркынычсызлык комитетының югары курсларын (Минск) тәмамлаган. 1964-1966 елларда хәрби хезмәттә була.

Хезмәт юлы

• 1964 елда югары уку йортын тәмамлагач, Минзәлә педагогика укуханәсендә (хәзер Минзәлә педагогика көллияте) алман телен укыта.
• 1966-1967 ВЛКСМ өлкә комитетында комсомол оешмалары бүлеге инструкторы.
• 1967 елдан ССРБ дәүләт куркынычсызлык комитетында төрле вазифаларда эшли^[1].
• 1968 елдан Казакъстан ССР КГБысының Павлодар өлкәсе буенча идарәсендә.
• 1983-1992 ТР дәүләт куркынычсызлык комитеты рәисе урынбасары.
• 1993-1999 ТР дәүләт куркынычсызлык комитеты рәисе.
• 1999-2014 ТР Куркынычсызлык шурасы сәркатибе.

Бүләкләре, мактаулы исемнәре

• Татарстанның атказанган юристы
• Кызыл Йолдыз ордены
• Хөрмәт Билгесе ордены