Демна Гвасалия

Демна Гвасалия (гөрҗ. დემნა გვასალია; 1981 елның 25 марты, Сухум, Гөрҗи ССР, ССРБ) — Гөрҗистан дизайнеры, Vetements брендын уйлап табучы, 2015 елдан башлап Balenciaga мода йортының креатив директоры^[2].

Демна Гвасалия
Туган телдә исем	гөрҗ. დემნა გვასალია
Туган	25 март 1981(1981-03-25)[1] (44 яшь) Сухум, Грузия ССР, СССР
Ватандашлыгы	Гөрҗистан  СССР
Әлма-матер	Королевская академия изящных искусств[d]
Һөнәре	модельер-дизайнер, модельер, дизайнер, гранд-кутюрье
Эш бирүче	Баленсиага[d], Vetements[d], Луи Виттон[d], Maison Margiela[d] һәм Gucci[d]
Демна Гвасалия Викиҗыентыкта

Тормыш юлы

Демна Гвасалия 1981 елның 25 мартында Гөрҗи ССРның Сухум шәһәрендә туа. Гвасалияның әтисе — гөрҗи, әнисе — рус^[3]. 1997 елдан Тбилиси дәүләт университетында(рус.) халыкара икътисадны өйрәнә. 2001 елда университетны тәмамлый һәм гаиләсе белән Дүсселдорфка күчә^[4]. Соңрак Антверпенга күчеп килә, анда Патша сәнгать академиясенә укырга керә һәм аны 2006 елда кием дизайны өлкәсендә магистр дәрәҗәсе белән тәмамлый^[3].

Карьера

Maison Margiela һәм Louis Vuitton әйдәп баручы дизайнеры булган. 2014 елда Vetements Париж брендын барлыкка китерә^[5][6]. Vetements брендының исеме француз теленнән тәрҗемә иткәндә «кием» (фр. vêtements) дигәнне аңлата.

Хәзерге вакытта Balenciaga брендының креатив директоры булып тора^[7][8]. 2014 елдан Vetement компаниясенең баш дизайнеры була, әмма 2019 елның көзендә үзенең китүе турында хәбәр итә^[9].

2018 елда The Fashion Awards премиясе иясе була^[10].

2021 елда экранга «Төньяк җил» фильмы чыга, анда дизайнер Рената Литвинованың героинясы өчен костюм буенча рәссам сыйфатында чыгыш ясый^[11]. 2021 елның августында Гвасалия Канье Уэст белән хезмәттәшлек итә. «Мерседес-Бенц Стэдиум»да узган Канье Уэстның «Donda» альбомын тәкъдир итүнең креатив директоры була^[12][13].

Шәхси тормыш

2017 елдан башлап электрон музыкант Лоик Гомес (BFRND тәхәллүсе астында билгеле) белән никахта тора^[14] .