Donald Tramp
From Wikipedia, the free encyclopedia
Remove ads
Donald Con Tramp (inglizçä Donald John Trump; 1946) — 45-nçe häm 47-nçe AQŞ prezidentı, AQŞ eşquarı, TV alıp baruçı, yazuçı, milliarder.
78 yäşlek Tramp - AQŞ tarixında iñ ölkän saylanğan AQŞ prezidentı (2024 yıl).
2017 yılnıñ 20 ğinwarında prezident berençe wazifasında, 2025 yılnıñ 20 ğinwarında president ikençe wazifasında kerä.
Trump Organization digän zur tözeleş şirkäte häm Trump Entertainment Resorts isemle kazino häm qunaqxanälär belän idärä itüçe şirkäteneñ elekke citäkçese.
Üzençälekle tormış stile häm çın küñeldän söyläşü stile säbäple dan qazana.
Zäñgär tösle - Hillari Klinton ciñgän ştat häm saylawçılar sanı
Zäñgär tösle - Cozef Bayden ciñgän ştat häm saylawçılar sanı
Zäñgär tösle - Kamala Harris ciñgän ştat häm saylawçılar sanı
2015 yılnıñ 16 iyünennän bulaçaq 2016 yılğı AQŞ prezidentı saylawları köräşenä kerä. Açıqtan-açıq çığışlar arqasında Donald Tramp avgussta AQŞ Respubika firqäsendä reyningnı citäkli häm AQŞ prezidentı postına töp namzäte buldı.
Üz çığışında Tramp Barak Obama citäklägän AQŞ xakimiäte, suğış tarafdarın tänqitli, Räsäy belän xezmättäşlekne torğızuğa, sänäğät häm citeşterüne AQŞqa qaytaruğa çaqıra. Saylaw aldı kampaniäsendä migrantlarğa qarşı kisken çaralarnı qabul itärgä wäğdä itte, mäsälän Meksikä belän çiktä diwar tözergä täqdim itte, Tın okean xezmättäşlek oyışmasınnan çığu kiräklegen belderde.
FORBS jurnalı buyınça 2011 yılda Tramp baylığı $2,9 mlrd dip bäyä birelä.
2016 yılnıñ 8 noyäberendä AQŞ prezident saylawlarında ciñde, Donald Tramp öçen 59 810 591 keşe tawış birep 290 saylawçın bilgeläde, Hillari Klinton öçen 60 093 364 keşe tawış birep nibarı 218 saylawçın bilgeläde. Prezident bulsın öçen 270 saylawçı kiräk.
Üz eşçänlege waqıtında iqtisadta proteksionist säyäsäten ütkärä, çit il metall citeşterü şirkätlärendä zur salım quymaqçı (Awrupa Berlege, Kanada, Räsäy, Qıtay), Qıtay häm Awrupa Berlegenä qarşı säwdä suğışın başlıy. Tışqı säyäsättä RF belän qarşılığı arta, Süriädä turı bäreleşlärdä yaqın. Karib krizisınnan soñ ğomumi termotöş suğışı xätäre iñ zur däräcägä citä.
2017-2020 yıllarda president bulğanda antiimmigrant säyäsäten ütkärä, Qıtayğa qarşı iqtisadi suğışnı başlıy, küp sänäğät tarmaqların AQŞqa qaytara, Awrupa Berlege belän mönäsäbätlären boza, qayber xärbi bazalarnı çit illärdän çığara başlıy, läkin COVID-19 awıruı säbäple iqtisadi üseş kriziska äylänä häm Trampnıñ reytingı töşä.
2020 yılda Respublika firqäse Trampnı president saylawlarına nämzät itep täqdim itä, anıñ töp Demokratik firqädän köndäşe Cozef Bayden bula.
2023 yılda säyäsi köndäşlär Trampqa qarşı 4 cinäyät eşen quzğata, şuña qaramastan Respublika firqäse Trampnı president saylawlarına nämzät itep yänä täqdim itä.
2024 yılda 2 tapqır Tramp qoral yärdämendä höcüm itelä, qolağı cärähätlänä.
2024 yılda prezident saylawlarında Tramp 312 saylawçı alıp, Democratik firqäneñ namzäte Kamala Harris'ne (226 s) ciñä[1].
Remove ads
İskärmälär
Sıltamalar
Wikiwand - on
Seamless Wikipedia browsing. On steroids.
Remove ads