Ирина Колмогорцева

Ирина Колмогорцева, Ирина Константин кызы Колмогорцева, рус. Колмогорцева Ирина Константиновна (1930-2015) — рәссам, ТАССР атказанган сәнгать эшлеклесе (1981), Татарстанның халык рәссамы (2005), Бакый Урманче премиясе (2007), Тукай премиясе (2015) лауреаты. ССРБ рәссамнар берлеге әгъзасы (1960).

Ирина Колмогорцева
Туган телдә исем	Ирина Константиновна Колмогорцева
Туган	5 июль 1930(1930-07-05) Свердловск
Үлгән	7 ноябрь 2015(2015-11-07) (85 яшь) Казан
Яшәгән урын	Воровски урамы, Казан[1]
Милләт	рус
Ватандашлыгы	ССРБ ССРБ→ Россия Россия
Әлма-матер	Украина матбугат академиясе[d]
Һөнәре	рәссам
Балалар	кызлары
Бүләк һәм премияләре

Тәрҗемәи хәле

«Әҗем мәчете» (Казан)

«Шайтан каласы» (Алабуга). 1980

Р. Миңнеханов (у) Тукай премиясен тапшыра. 2015

1930 елның 5 июлендә Свердловскда туган. Илбау полиграфия институтын тәмамлаган (1953).

Иҗат юлы

Станок графикасы, китап графикасы һәм портрет жанрларында иҗат итә. Беренче офортлары 1959 елда дөнья күрә. Әсәрләренең каһарманнарын җиңелчә юмор хисе белән ясый. Формаларны гадиләштерү алымын отышлы куллана.

Казанда 50 елдан артык яшәп, иҗат итү дәверендә Татарстан сынлы сәнгате тарихына кереп калырдай әсәрләр иҗат итә. 40 ел Татарстан китап нәшриятында китап бизәүче буларак иҗат итә. Уннарча балалар өчен китапларны бизи. А.С. Пушкин, М. Цветаева, Н. Дурова иҗатына багышланган әсәрләре бар.

Габдулла Тукай иҗаты белән һәрдаим кызыксына. Тукай әсәрләренә нигезләнеп ясалган график эшләре бар. Казанның Тукайга бәйле урыннарын, шулай ук Казанның борынгы биналарын кәгазьгә төшерә. «Печән базары, яһүд Яңа Кисекбаш» (төсле офорт) әсәрендә Тукай поэмасы каһарманнарын һәм Иске Татар бистәсе күренешләрен сурәтли.

Әсәрләре ТР дәүләт сынлы сәнгать музеенда, ТР милли музеенда һәм шәхси тупланмаларда саклана.

Бүләкләре, мактаулы исемнәре

• 1981 ТАССР атказанган сәнгать эшлеклесе.
• 2005 Татарстанның халык рәссамы.
• 2007 Бакый Урманче премиясе — «Тарихи Казан» офорт шәлкеме өчен.
• 2015 Тукай премиясе — «Казан һәм Габдулла Тукай» графика шәлкеме өчен^[2]