Красногорское (Удмуртия)

Красногорское (удм. Красногорск, рус. Красногорское) (1935 елга кадәр Святогорское, 1938 елга кадәр Барышниково) ― авыл, Удмуртиянең Красногорское районы муниципаль округы һәм 2021 елга кадәр Красногорское авыл җирлегенең административ үзәге. ^[3] Халык саны ― 3855 (2021).^[4]

Красногорское
Байрак	Илтамга
Дәүләт	Россия
Нәрсәнең башкаласы	Красногорское районы һәм Красногорское авыл җирлеге[d][1]
Административ-территориаль берәмлек	Красногорское авыл җирлеге[d][1]
Сәгать поясы	UTC+04:00
Халык саны	3855 (2021)[2]
Почта индексы	427650
Рәсми веб-сайт	mo-krasno.ru
Җирле телефон коды	34164
Красногорское Викиҗыентыкта

Бу терминның башка аңлатмалары да бар, аларны карау өчен Красногорское битенә күчегез.

География

Авыл Удмуртия республикасының төньяк өлешендә, республика башкаласы Ижаудан төньякка таба 140 км, Глазов шәһәреннән көньякка таба 40 км ераклыкта, Чүпче елгасының сулъяк кушылдыгы Убыть елгасы ярында урнашкан. Әлеге елгада рәттән өч буа ясалган, авылның әйләнә-тирәсендә матур табигать, урманнар күп.

Сәгать зонасы

Красногорское авылы, бөтен Удмурт Республикасы кебек үк, МСК+1 сәгать зонасында урнашкан. Кулланылган вакытны UTC өчен күчерү + 4:00 тәшкил итә.

Тарих

Святогорское авылы рәсми рәвештә Вятка рухани консисториясе указы белән 1837 елның 1 апрелендә нигезләнә. ^[5] Нократ губернасы Глазов өязе Сюрзян волостена караган. 1873 елда 10 хуҗалыкта 22 ир-ат, 29 хатын-кыз яшәве теркәлгән. 1891 елда авыл волость үзәгенә әйләнә. 1918 елның августында Советларга каршы кузгалган крестьяннар фетнәсен Глазовтан килгән Барышников җитәкчелегендәге Кызыл Гаскәр отряды бастыра. 1935 елда удмурт совет дәүләт эшлеклесе, КПССның Удмурт өлкә комитеты беренче секретаре (1937-1938) Степан Барышников (1894―1943) хөрмәтенә авылның исеме Барышниково итеп үзгәртелгән. Ул кулга алынгач (1938), хәзерге атама бирелгән. ^[6]

2021 елдан ― Красногорское районы муниципаль округы административ үзәге. ^[7]

Халык саны

Авылда район халкының яртысы диярлек (49.16 %) яши. Удмуртиянең эре торак пунктларындагы кебек, биредә яшәүче руслар белән удмуртларның саны бертигез күләмдә.

Халык саны
2002[8]	2010[9]	2012[10]
4559	↘4425	↘4302

Икътисад

• «Ростелеком» ААҖ УР филиалы
• Шаркан трикотаж фабрикасы цехы
• Красногорское аптекасы № 24
• Красногорское райпосы
• «Энергия» ҖҖЧ
• «Север» ҖҖЧ
• «Темп» ҖҖЧ
• «Удмуртавтодор» филиалы «Красногорский ДУ»
• Глазов электр челтәрләренең Красногорское бүлекчәсе
• «Удмуртгаз» Глазовгаз РОАО филиалы Красногорское газ участогы
• «Красногорское урманчылыгы» ДУ
• «Удмуртлес» ДУ филиалы «Красногорсклес»

Дин

Православие

• Изге Покрау гыйбадәтханәсе

Шәхесләр

Галерея

• 
  Авыл үзәгендә районның Мактау тактасы
• 
  Убыть елгасында буа
• 
  Красногорское авылында чиркәү