Саҗидә Сөләйманова

Саҗидә Гаделша кызы Сөләйманова — татар шагыйрәсе, прозаик.

Саҗидә Сөләйманова
Туган телдә исем	Саҗидә Гаделша кызы Сөләйманова
Туган	3 октябрь 1926(1926-10-03) Яңавыл, Яңавыл районы
Үлгән	10 май 1980(1980-05-10) (53 яшь) Әлмәт, Татарстан АССР, РСФСР, СССР
Милләт	татар
Ватандашлыгы	СССР
Әлма-матер	Башкорт дәүләт университеты
Һөнәре	шагыйрь, язучы, укытучы, радиотапшырулар алып баручысы
Эш бирүче	Әлмәт политехник техникумы һәм Әлмәт язучылар оешмасы
Җефет	Әдип Мәликев
Балалар	Әнвәр Маликов

Бу терминның башка аңлатмалары да бар, аларны карау өчен Сөләйманова битенә күчегез.

Биография

Саҗидә Сөләйманова 1926 елда^[1][2] Башкортстанның Яңавыл районы Яңавыл авылында туган. 1944 елда Тәтешле урта мәктәбен тәмамлагач, авылда укытучы булып эшли, аннан соң Уфа педагогика институтында белем ала, мәктәпләрдә тарих фәнен укыта. 1955 елдан аның гомере һәм иҗаты Әлмәт шәһәре белән бәйле: нефть техникумында, шәһәр радиоүзәгендә, Әлмәт әдәбият берләшмәсендә эшли, шигырьләре дә шул чорда басыла башлый.

Шагыйрә озакка сузылган каты авырудан соң 1980 елның 10 маенда Әлмәт шәһәрендә вафат булды.

Иҗат

Иң беренче чиратта шагыйрә буларак танылса да, матур гына хикәя һәм повестьлар да яза. Саҗидә Сөләймановадан мирас булып калган күңел байлыгы китап киштәләренә җыентыклар булып төзелгән: «Кыр казлары»(1963), «Бәхетне үзем табам»(1966), «Юллар, уйлар»(1968), «Яшәү хакы»(1970), «Кызыл каурыйлар»(1976), «Гөлбадран»(1980), «Сабыр канатлары»(1981), «Шигырьләр һәм поэмалар»(1981).

Сәҗидә Сөләйманова үзе исән чагында Мәскәүдә һәм Казанда урысча тәрҗемәдә өч җыентыгы басылып чыкты. Аерым шигырьләре украин, үзбәк, азәрбайҗан һәм башка милли телләргә тәрҗемә ителде.

Бүләкләре

• ТАССР Атказанган мәдәният хезмәткәре

Истәлеге

• 2006 елдан берле Саҗидә Сөләйманова исемендәге әдәби премия – Татарстан язучылар берлеге һәм «Татнефть» ААҖ тарафыннан компаниянең «Рухият» рухи яңарыш фонды кысаларында тапшырыла торган әдәби бүләк.