Талия Миңнуллина

Талия Илгиз кызы Миңнуллина (рус. Талия Минуллина яки рус. Минуллина Талия Ильгизовна, 1985 елның 24 апреле, ССРБ, РСФСР, ТАССР, Казан) — Татарстан Җөмһүриятеның инвестицион үсеш агентлыгы җитәкчесе (2014 елның 17 октябреннән).

Талия Миңнуллина
Татарстанның инвестицион үсеш агентлыгы җитәкчесе
Вазыйфада
Вазыйфага керешкән 2014 елның 17 октябре
Туган	24 апрель 1985(1985-04-24) (40 яшь)

Википедиядә Миңнуллина фамилияле башка кешеләр турында мәкаләләр дә бар.

Тәрҗемәи хәле

1985 елның 24 апрелендә Казан шәһәрендә туган. Әтисе Илгиз Миңнуллин РФ ФСБсының ТР буенча идарә башлыгы урынбасары, 2010 елга кадәр ТР буенча ФСКН(рус.) җитәкчесе булган^[1]. Талия Илгиз кызы «Чит ил теле» белгечлеге буенча Татар дәүләт гуманитар-педагогик университетын тәмамлаган (2007). MBA программасы буенча магистрлык курсын (Бөекбритания, 2013), Сколковода(рус.) һөнәри яңадан әзерләү программасын (2014, Мәскәү) үтә.

Хезмәт юлы

2007—2010 елларда — Татарстан Республикасының икътисад һәм сәнәгать министрлыгында (2007 елдан Татарстан Республикасының икътисад министрлыгы): җыелма инвестицион эшчәнлек бүлегенең беренче разрядлы өлкән белгече, әйдәп баручы консультанты, әйдәп баручы киңәшчесе, бүлек мөдире.

2010—2012 елларда — ТР Президенты карамагындагы Дәүләт хезмәте һәм кадрлар департаментында: квалификацияне күтәрү секторы мөдире, 2012—2014 елларда — дәүләт хезмәте үсеше бүлегенең мөдире.

2014 елның 17 октябреннән — Татарстан Республикасының инвестицион үсеш агентлыгы җитәкчесе^[2].

Сылтамалар

• Талия Илгиз кызы Миңнуллина. 2019 елның 20 октябрь көнендә архивланган. ТР инвестицион үсеш агентлыгы сайты
• Андрей Кузьмин. Интервью без галстука. Талия Минуллина о Президенте РТ, инвестициях и о женщине на Востоке. (YouTube видео, 58:19)